ബെംഗളൂരു : ഐഎസ്‌ആര്‍ഒയുടെ ഭൗമനിരീക്ഷണ ഉപഗ്രഹം ഇഒഎസ്-01 ഇന്ന് വിക്ഷേപിക്കും. സതീഷ് ധവാന്‍ സ്പേസ് സെന്‍ററില്‍ നിന്ന് വൈകീട്ട് 3.02 നാണ് വിക്ഷേപണം.
ഇഒഎസ്-01നൊപ്പം വിദേശരാജ്യങ്ങളുടെ ഒന്‍പത് ഉപഗ്രഹങ്ങളും പിഎസ്‌എല്‍വി-സി49 റോക്കറ്റ് ഭ്രമണപഥത്തില്‍ എത്തിക്കും. വിക്ഷേപണത്തിനായുള്ള കൗണ്ട്ഡൗണ്‍ വെള്ളിയാഴ്ച ഉച്ചയ്ക്ക് 1.02ന് ആരംഭിച്ചു.
പിസ്‌എല്‍വിയുടെ 51-ാം ദൗത്യമാണ് ഇത്. കൃഷി, വനവത്കരണം, ദുരന്തനിവാരണം എന്നീ മേഖലകള്‍ക്ക് ഇഒഎസ്-01 പ്രയോജനപ്പെടുമെന്ന് ഐഎസ്‌ആര്‍ഒ അധികൃതര്‍ വ്യക്തമാക്കി.
