ജനകീയ ഹോട്ടല്‍ പദ്ധതി പൊളിഞ്ഞു ; എണ്ണം പെരുപ്പിച്ചുകാണിക്കാന്‍ കുടുംബശ്രീ ഹോട്ടലുകളുടെ പേരുമാറ്റി ; എന്നിട്ടും രക്ഷയില്ല

തി​രു​വ​ന​ന്ത​പു​രം : പി​ണ​റാ​യി സ​ര്‍​ക്കാ​ര്‍ പ്ര​ഖ്യാ​പി​ച്ച ‘വി​ശ​പ്പു​ര​ഹി​ത കേ​ര​ളം (സു​ഭി​ക്ഷ)’ പ​ദ്ധ​തി പാതിവഴിയില്‍ പാ​ളി. ഭ​ക്ഷ്യ​വ​കു​പ്പിന്റെ  ന​ട​പ​ടി​ക​ളോ​ട് ത​ദ്ദേ​ശ സ്ഥാ​പ​ന​ങ്ങ​ളും ഉ​ദ്യോ​ഗ​സ്ഥ​രും മു​ഖം​തി​രി​ഞ്ഞ് നി​ന്ന​തോ​ടെ പ​ദ്ധ​തി മൂ​ന്ന് ജി​ല്ല​ക​ളി​ലാ​യി ഒ​തു​ങ്ങി. ഇ​തോ​ടെ ‘സു​ഭി​ക്ഷ ഉ​ച്ച​ഭ​ക്ഷ​ണ​ശാ​ല’​ക്കാ​യി ബ​ജ​റ്റി​ല്‍ നീക്കി​വെ​ച്ച കോ​ടി​ക​ളും പാ​ഴാ​യി.

ആ​ശ്ര​യ​വും വ​രു​മാ​ന​വു​മി​ല്ലാ​ത്ത​വ​ര്‍​ക്ക് ഒ​രു നേ​ര​ത്തെ​യെ​ങ്കി​ലും ആ​ഹാ​രം സൗ​ജ​ന്യ​മാ​യി ന​ല്‍​കു​ക​യെ​ന്ന ലക്ഷ്യ​ത്തോ​ടെ​യാ​ണ് 2017ല്‍ ​ഇ​ട​ത് സ​ര്‍​ക്കാ​ര്‍ പ​ദ്ധ​തി പ്ര​ഖ്യാ​പി​ച്ച​ത്. ഭ​ക്ഷ്യ​വ​കു​പ്പിന്റെ  നേ​തൃ​ത്വ​ത്തി​ല്‍ കുടുംബ​ശ്രീ മു​ഖേ​ന ആ​രം​ഭി​ക്കു​ന്ന ഉ​ച്ച​ഭ​ക്ഷ​ണ​ശാ​ല​യി​ല്‍​നി​ന്ന് അ​ശ​ര​ണ​രാ​യ കി​ട​പ്പു​രോ​ഗി​ക​ള്‍​ക്ക് ഭ​ക്ഷ​ണം വീ​ട്ടി​ലെ​ത്തി​ച്ചും അ​ഗ​തി​ക​ള്‍​ക്ക് സൗ​ജ​ന്യ കൂ​പ്പ​ണ്‍ മു​ഖേ​ന​യും മ​റ്റ് ആ​വ​ശ്യ​ക്കാ​ര്‍​ക്ക് 20 രൂ​പ നി​ര​ക്കി​ലും ഊ​ണ് ന​ല്‍​കു​ന്ന​താ​യി​രു​ന്നു പ​ദ്ധ​തി. ആ​ദ്യ​ഘ​ട്ട​ത്തി​ല്‍ 70 ലക്ഷം രൂപയും ബ​ജ​റ്റി​ല്‍ വ​ക​യി​രു​ത്തി.

എ​ന്നാ​ല്‍ ഉ​ദ്യോ​ഗ​സ്ഥ​രു​ടെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​മൂ​ലം 2019 ആ​ഗ​സ്​​റ്റി​ലാ​ണ് ആ​ദ്യ​മാ​യി ഉ​ച്ച​ഭ​ക്ഷ​ണ​ശാ​ല ആ​ല​പ്പു​ഴ ജി​ല്ല​യി​ല്‍ ആ​രം​ഭി​ക്കാ​നാ​യ​ത്. ഭ​ക്ഷ​ണ​ശാ​ല​ക​ള്‍​ക്കാ​വ​ശ്യ​മാ​യ ഭ​ക്ഷ്യ​ധാ​ന്യ​ങ്ങ​ളും മ​റ്റ് പ​ല​ച​ര​ക്ക് സാ​ധ​ന​ങ്ങ​ളും സ​ബ്സി​ഡി തു​ക​ക്ക് സി​വി​ല്‍ സ​പ്ലൈ​സ് കോ​ര്‍​പ്പ​റേ​ഷ​നാ​ണ് ന​ല്‍​കി​യ​ത്.

ആ​ല​പ്പു​ഴ​യി​ല്‍ വി​ജ​യം ക​ണ്ട​തോ​ടെ 13 ജി​ല്ല​ക​ളി​ലും ന​ട​പ്പാ​ക്കാ​ന്‍ 2019-2020ല്‍ 14 ​കോ​ടി വ​ക​യി​രു​ത്തി​യെ​ങ്കി​ലും കോ​ട്ട​യ​ത്തും തൃ​ശൂ​രും മാ​ത്ര​മാ​ണ് ഭ​ക്ഷ​ണ​ശാ​ല ആ​രം​ഭി​ക്കാ​നാ​യ​ത്. ഹോ​ട്ട​ലു​ക​ള്‍ ആ​രം​ഭി​ക്കു​ന്ന​തി​ന് സ്ഥ​ലം ക​ണ്ടെ​ത്തു​ന്ന​തി​ല്‍ ക​ള​ക്ട​ര്‍​മാ​ര്‍ താ​ല്‍​പ​ര്യം പ്ര​ക​ടി​പ്പി​ക്കാ​ത്ത​തും ക​ണ്ടെ​ത്തു​ന്ന സ്ഥ​ലം വി​ട്ടു​ന​ല്‍​കു​ന്ന​തി​നു​ള്ള ത​ദ്ദേ​ശ സ്ഥാ​പ​ന​ങ്ങ​ളു​ടെ വി​മു​ഖ​ത​യും ഉ​യ​ര്‍​ന്ന വാ​ട​ക​യും പ​ദ്ധ​തി​ക്ക് തി​രി​ച്ച​ടി​യാ​യി. ന​ട​പ്പു​സാമ്പത്തിക വ​ര്‍​ഷ​ത്തി​ല്‍ തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളി​ല്‍ ഭ​ക്ഷ​ണ​ശാ​ല​ക​ള്‍ ആ​രം​ഭി​ക്കാ​ന്‍ 84 ല​ക്ഷം ബ​ജ​റ്റി​ല്‍ വ​ക​യി​രു​ത്തി​യെ​ങ്കി​ലും ഉ​ദ്യോ​ഗ​സ്ഥ​ര്‍ ഉ​ഴ​പ്പി​യ​തോ​ടെ പ​ദ്ധ​തി പാ​ളി.

വി​ശ​പ്പു​ര​ഹി​ത കേ​ര​ളം പ​ദ്ധ​തി​യു​ടെ ഭാ​ഗ​മാ​യി പൊ​തു​ജ​ന​ത്തി​ന് 20 രൂ​പ​ക്ക് ഉ​ച്ച​ഭ​ക്ഷ​ണം ന​ല്‍​കു​ന്ന​തി​ന് 1000 ജ​ന​കീ​യ ഹോ​ട്ട​ലു​ക​ള്‍ എന്ന പ്ര​ഖ്യാ​പ​ന​വും പൂ​ര്‍​ണ​ത​യി​ലെ​ത്തി​യി​ല്ല. ഹോ​ട്ട​ല്‍ ആ​രം​ഭി​ക്കാ​നു​ള്ള കെ​ട്ടി​ടം ത​ദ്ദേ​ശ സ്ഥാ​പ​ന​ങ്ങ​ളും ഊ​ണി​നു​വേ​ണ്ട അ​രി കി​ലോ​ക്ക് 10.90 രൂ​പ നി​ര​ക്കി​ല്‍ പൊ​തു​വി​ത​ര​ണ​വ​കു​പ്പും ന​ല്‍​കി​യാ​ണ് ജ​ന​കീ​യ ഹോ​ട്ട​ല്‍ വി​ഭാ​വ​നം ചെ​യ്ത​ത്.

എ​ന്നാ​ല്‍ കു​ടും​ബ​ശ്രീ​യു​ടെ നേ​തൃ​ത്വ​ത്തി​ല്‍ ക​ഴി​ഞ്ഞ ജ​നു​വ​രി​വ​രെ 680 ഹോ​ട്ട​ലു​ക​ളാ​ണ് പ്രവര്‍ത്തനമാരംഭിച്ചത്. ഇ​തി​ല്‍ 350 ഓ​ളം കു​ടും​ബ​ശ്രീ​യു​ടെ നേ​തൃ​ത്വ​ത്തി​ല്‍ നി​ല​വി​ല്‍ പ്ര​വ​ര്‍​ത്തി​ക്കു​ന്ന​വ​യാ​യി​രു​ന്നു. ഇ​വ പേ​രു​മാ​റ്റി​യാ​ണ് ജ​ന​കീ​യ ഹോ​ട്ട​ലു​ക​ളു​ടെ പ​ട്ടി​ക​യി​ല്‍ ഉ​ള്‍​പ്പെ​ടു​ത്തി എ​ണ്ണം പെ​രു​പ്പി​ച്ച​ത്.