കൊച്ചി : സര്ക്കാരിനെതിരെ രൂക്ഷ വിമര്ശനവുമായ സിപിഐ. സിപിഐ മുഖപത്രമായ ജനയുഗത്തില് അസിസ്റ്റന്റ് സെക്രട്ടറി പ്രകാശ് ബാബു എഴുതിയ ലേഖനത്തിലാണ് വിമര്ശനം. മാഫിയകളും ലോബികളും ഇടതുപക്ഷ പ്രകടനപത്രികക്ക് അന്യമാണ്. കടലാസ് പദ്ധതികളുമായി വരുന്ന മാരീചന്മാരെ ഇടതുപക്ഷം തിരിച്ചറിയണം. കണ്സള്ട്ടന്സികളുടെ ചൂഷണം സര്ക്കാര് ഒഴിവാക്കണമെന്നും ലേഖനത്തില് പറയുന്നു.
ഇതോടൊപ്പം മന്ത്രി കെ ടി ജലീലിന് എതിരെയും ലേഖനത്തില് പേര് പറയാതെ വിമര്ശനമുണ്ട്. ചിലര് ചട്ടം ലംഘിച്ച് വിദേശ കോണ്സുലേറ്റുമായി ബന്ധപ്പെട്ടത് അന്വേഷിക്കണം. ടെണ്ടര് ഇല്ലാതെ കോടികളുടെ കരാര് നേടി, അത് മറിച്ചുകൊടുക്കുന്ന സംഭവങ്ങള് വരെ ഉണ്ടാകുന്നുവെന്നും ലേഖനത്തില് പറയുന്നു.
സിപിഎമ്മും കോടിയേരി ബാലകൃഷ്ണനുമടക്കം മുഖ്യമന്ത്രിക്ക് പൂര്ണ്ണപിന്തുണ നല്കുമ്പോഴും മുന്നണി മുഖ്യമന്ത്രിക്ക് ഒപ്പമില്ലെന്നാണ് മുഖപത്രത്തിലെ ലേഖനം സൂചന നല്കുന്നത്. നേരത്തെ സ്പ്രിംഗ്ലര് വിവാദത്തില് ഐടി വകുപ്പിനെ പരസ്യമായി രൂക്ഷമായി വിമര്ശിച്ച് സിപിഐ സംസ്ഥാന സെക്രട്ടറി കാനം രാജേന്ദ്രന് രംഗത്തെത്തിയിരുന്നു. മുഖ്യമന്ത്രിയുടെ വകുപ്പില് നടക്കുന്ന അഴിമതിയും ചട്ടലംഘനവും മുഖ്യമന്ത്രിയുടെ വീഴ്ചയായാണ് സിപിഐ വിലയിരുത്തുന്നതെന്നാണ് ലേഖനം നല്കുന്ന സൂചന.
