ധന്ബാദ്: ഝാര്ഖണ്ഡിലെ ധന്ബാദ് ജില്ലയ്ക്ക് സമീപം അനധികൃത കല്ക്കരി ഖനി തകര്ന്ന് മൂന്നു പേര് മരിച്ചു. നിരവധി പേര് കുടുങ്ങിയതായി സംശയമുണ്ട്. ഭാരത് കോക്കിങ് കോള് ലിമിറ്റഡിന്റെ ഖനിയില് രാവിലെ പത്തരയോടെയാണ് അപകടം. ഖനി ഇടിഞ്ഞുതാഴുകയായിരുന്നെന്നാണ് റിപ്പോര്ട്ടുകള്. എത്ര പേര് മരിച്ചെന്നോ എത്ര പേര് കുടുങ്ങിയതായോ കൃത്യമായ വിവരം ലഭിച്ചിട്ടില്ലെന്ന് പോലീസ് പറഞ്ഞു. രക്ഷാ പ്രവര്ത്തനം ആരംഭിച്ചതായി പോലീസ് അറിയിച്ചു.
ധന്ബാദില് നിന്ന് 21 കിലോമീറ്റര് അകലെ ഭാരത് കോക്കിംഗ് കോള് ലിമിറ്റഡിന്റെ (ബിസിസിഎല്) ഭൗര കോളിയറി ഏരിയയില് രാവിലെയാണ് അപകടമുണ്ടായത്. പ്രദേശവാസികളുടെ സഹായത്തോടെ അവശിഷ്ടങ്ങള്ക്കിടയില് നിന്ന് മൂന്ന് പേരെ പുറത്തെടുത്തു. എന്നാല് ആശുപത്രിയില് എത്തിച്ചെങ്കിലും മരണപ്പെട്ടിരുന്നു. അതേസമയം ഖനി തകര്ന്നപ്പോള് നിരവധി ഗ്രാമീണര് അനധികൃത ഖനനത്തില് ഏര്പ്പെട്ടിരുന്നതായി നാട്ടുകാര് പറഞ്ഞു.