രാജ്യത്തെ ടെലിക്കോം വിപണിയിൽ ഏറ്റവും കൂടുതൽ വരിക്കാരുള്ള കമ്പനിയാണ് റിലയൻസ് ജിയോ. ഉപയോക്താക്കളുടെ ആവശ്യങ്ങൾ തിരിച്ചറിഞ്ഞ് പ്ലാനുകൾ അവതരിപ്പിക്കുന്നതിൽ ജിയോ ശ്രദ്ധിക്കുന്നുണ്ട്. കഴിഞ്ഞ ദിവസം ജിയോ രണ്ട് പ്രീപെയ്ഡ് ഡാറ്റ പ്ലാനുകളാണ് അവതരിപ്പിച്ചത്. അത്യാവശ്യ ഘട്ടങ്ങളിൽ കൂടുതൽ ഡാറ്റ ആവശ്യമായി വരുമ്പോൾ റീചാർജ് ചെയ്യാവുന്ന പ്ലാനുകളാണ് ഇവ രണ്ടും. 19 രൂപ, 29 രൂപ നിരക്കുകളിലാണ് ജിയോയുടെ പുതിയ പ്ലാനുകൾ ലഭ്യമാകുന്നത്.
ജിയോ അവതരിപ്പിച്ചിരിക്കുന്ന രണ്ട് പ്ലാനുകളും അത്യാവശ്യ ഘട്ടങ്ങളിൽ കൂടുതൽ ഡാറ്റ ആവശ്യമായി വരുന്ന ആളുകൾക്ക് പ്രയോജനപ്പെടുത്താവുന്നതാണ്. നേരത്തെയും ജിയോ ഇത്തരം ഡാറ്റ ബൂസ്റ്റർ പ്ലാനുകൾ നൽകുന്നുണ്ട്. ഇത്രയും കുറഞ്ഞ നിരക്കിൽ മികച്ച ഡാറ്റ ആനുകൂല്യം നൽകുന്ന ജിയോയുടെ പ്ലാൻ എതിരാളികളായ ടെലിക്കോം കമ്പനികളെ വെല്ലുവിളിക്കുന്നതാണ്. ഈ പ്ലാനുകൾ ഡാറ്റയല്ലാതെ മറ്റ് ആനുകൂല്യങ്ങളൊന്നും നൽകുന്നില്ല എന്നതും ശ്രദ്ധിക്കേണ്ടതുണ്ട്. പുതിയ രണ്ട് പ്ലാനുകളും വിശദമായി നോക്കാം.
ജിയോ 19 രൂപ പ്ലാൻ
റിലയൻസ് ജിയോ അവതരിപ്പിച്ച പുതിയ പ്ലാനുകളിൽ ആദ്യത്തെ പ്ലാനിന് 19 രൂപയാണ് വില. ഈ ഡാറ്റാ പായ്ക്കിലൂടെ വരിക്കാർക്ക് 1.5 ജിബി ഡാറ്റയാണ് ലഭിക്കുന്നത്. ഈ പ്ലാനിന് സ്വതന്ത്രമായ വാലിഡിറ്റിയില്ല. നിങ്ങളുടെ കണക്ഷനിൽ റീചാർജ് ചെയ്തിട്ടുള്ള ബേസിക്ക് പായ്ക്ക് എത്ര ആനുകൂല്യം നൽകുമോ അത്രയും ദിവസം 19 രൂപ പ്ലാനിലൂടെ ലഭിക്കുന്ന ഡാറ്റ ഉപയോഗിക്കാൻ സാധിക്കും. ഈ പ്ലാനിലൂടെ ഉപയോക്താക്കൾക്ക് കോളിങ്, എസ്എംഎസ് എന്നിങ്ങനെ യാതൊരു ആനുകൂല്യങ്ങളും ലഭിക്കുകയില്ല.
29 രൂപ വിലയുള്ള ജിയോ
29 രൂപ വിലയുള്ള ജിയോയുടെ പ്രീപെയ്ഡ് പ്ലാനിലൂടെ വരിക്കാർക്ക് 2.5 ജിബി ഡാറ്റയാണ് ലഭിക്കുന്നത്. ഈ പ്ലാനിനും പ്രത്യേകം വാലിഡിറ്റിയുള്ള ഉപയോക്താക്കളുള്ള കണക്ഷനിൽ ഉള്ള ആക്ടീവ് പ്ലാനിന്റെ വാലിഡിറ്റി അവസാനിക്കുന്നത് വരെ ഈ പ്ലാനിലൂടെ ലഭിക്കുന്ന ഡാറ്റ ഉപയോഗിക്കാൻ സാധിക്കും. ശ്രദ്ധേയമായ കാര്യം അൺലിമിറ്റഡ് പ്ലാനിലെ ഡാറ്റ അവസാനിച്ച് ഈ പ്ലാൻ റീചാർജ് ചെയ്യുന്ന ആളുകൾ ഇതിൽ ഡാറ്റ ബാക്കി വച്ചിട്ടുണ്ട് എങ്കിൽ അടുത്ത ദിവസം അൺലിമിറ്റഡ് പ്ലാനിന്റെ ഡാറ്റയായിരിക്കും ആദ്യം ഉപയോഗിക്കുക എന്നതാണ്. ആ ഡാറ്റ അവസാനിച്ചാൽ മാത്രമേ 29 രൂപ പ്ലാനിലെ ഡാറ്റ ഉപയോഗിച്ച് തുടങ്ങുകയുള്ളു.
മറ്റ് ഡാറ്റ ബൂസ്റ്റർ പ്ലാനുകൾ
മുകളിൽ സൂചിപ്പിച്ച രണ്ട് പുതിയ ഡാറ്റ ബൂസ്റ്റർ പ്ലാനുകൾ കൂടാതെ നേരത്തെ തന്നെ ജിയോ നൽകുന്ന ചില പ്ലാനുകളും ഈ വിഭാഗത്തിൽ ഉണ്ട്. 15 രൂപ വിലയുള്ള ജിയോയുടെ ഡാറ്റ പായ്ക്ക് ഉപയോക്താക്കൾക്ക് 1 ജിബി ഡാറ്റ നൽകുന്നുണ്ട്. ഇതിനെക്കാൾ 4 രൂപ അധികമായി നൽകിയാൽ പുതിയ 19 രൂപ പായ്ക്കിലൂടെ 500 എംബി ഡാറ്റ അധികമായി ലഭിക്കും എന്നും ശ്രദ്ധേയമായ കാര്യമാണ്. ഈ പ്ലാൻ അത്യാവശ്യമായി ഡാറ്റ ഉപയോഗിക്കേണ്ട വരുമ്പോൾ റീചാർജ് ചെയ്യാവുന്ന ഒന്നാണ്.
25 രൂപ പ്ലാൻ
29 രൂപ പ്ലാനിന്റെ അടുത്ത് നിൽകുന്നതും നേരത്തെ തന്നെ ജിയോ നൽകുന്നതുമായ ഒരു ഡാറ്റ ബൂസ്റ്റർ പ്ലാനാണ് 25 രൂപയുടേത്. ഈ പ്ലാനിലൂടെ വരിക്കാർക്ക് 2 ജിബി ഡാറ്റയാണ് ലഭിക്കുന്നത്. ഈ പ്ലാൻ റീചാർജ് ചെയ്യുന്നവർക്ക് 4 രൂപ അധികമായി നൽകിയാൽ 500 എംബി ഡാറ്റ കൂടുതൽ ലഭിക്കുകയും ചെയ്യും. ഡാറ്റ ബൂസ്റ്ററുകൾ സാധാരണ നിലയിൽ ആളുകൾക്ക് ഉപയോഗപ്പെടുന്നതല്ല. ചില ദിവസങ്ങളിൽ കൂടുതൽ ഡാറ്റ ഉപയോഗിച്ചാൽ അൺലിമിറ്റഡ് പ്ലാനിലൂടെ ലഭിച്ച പ്രതിദിന ഡാറ്റ ലിമിറ്റ് അവസാനിക്കും. ഇത്തരം അവസരങ്ങളിൽ ഡാറ്റ ബൂസ്റ്ററുകൾ സഹായകരമാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
