ഗാന്ധിനഗര്‍: കോട്ടയം മെഡിക്കല്‍ കോളജ് ആശുപത്രിയില്‍ ജോലി വാഗ്ദാനം ചെയ്ത് പണം തട്ടിയ പേരൂര്‍ സ്വദേശി പിടിയില്‍. പേരുര്‍ മര്‍ത്തശ്മുനി പള്ളിക്കുസമീപം പുതുക്കരിയില്‍ വീട്ടില്‍ പ്രിന്‍സിനെയാണ് (37) ഗാന്ധിനഗര്‍ പോലീസ് അറസ്റ്റ് ചെയ്തത്. മെഡിക്കല്‍ കോളജ് നഴ്സിങ് സൂപ്രണ്ടാണെന്ന് പറഞ്ഞായിരുന്നു ഇയാള്‍ തട്ടിപ്പ് നടത്തിയത്.
സ്റ്റാഫ് നഴ്സായി ജോലി നല്‍കാമെന്ന് വിശ്വസിപ്പിച്ച്‌ നാലോളം പേരില്‍നിന്ന് 14,000 രൂപയും സര്‍ട്ടിഫിക്കറ്റുകളും ഇയാള്‍ തട്ടിയെടുക്കുകയായിരുന്നു.
സ്റ്റേഷന്‍ ഹൗസ് ഓഫീസര്‍ ഗോപകുമാര്‍, എസ്.ഐമാരായ പ്രദീപ്, സജിമോന്‍, സന്തോഷ്, നോബിള്‍, സാജു അടക പത്മകുമാര്‍ എന്നിവര്‍ ചേര്‍ന്ന് ഐ .സി.എച്ച്‌ ഭാഗത്തു നിന്നാണ് അറസ്റ്റ് ചെയ്തത്. ഇയാള്‍ സമാന രീതിയില്‍ കൂടുതല്‍ പേരില്‍നിന്ന് പണം തട്ടിയെടുത്തതായി സംശയിക്കുന്നു.
