കോട്ടയം : കേരള കോണ്‍ഗ്രസ് എമ്മിന് ഏതൊക്കെ സീറ്റുകള്‍ നല്‍കണമെന്ന കാര്യം എല്‍.ഡി.എഫ് നേതൃത്വത്തിന് അറിയാമെന്ന് ജോസ് കെ.മാണി.
സീറ്റുകളുടെ കാര്യത്തില്‍ കടുംപിടുത്തം ഉണ്ടാകില്ല. കഴിഞ്ഞ തവണ മല്‍സരിച്ച സീറ്റുകള്‍ മുന്നണിയോട് ആവശ്യപ്പെട്ടിട്ടുണ്ട്. തുടര്‍ ഭരണം ഉണ്ടാകുമ്പോള്‍ പാലായുടെ സംഭാവന ഉണ്ടാകുമെന്നും ജോസ് കെ. മാണി പറഞ്ഞു.
അതേസമയം നിയമസഭാ തെരഞ്ഞെടുപ്പ് തീയതി പ്രഖ്യാപിച്ചതോടെ സീറ്റ് വിഭജന ചര്‍ച്ചകള്‍ വേഗത്തില്‍ പൂര്‍ത്തിയാക്കാനാണ് മുന്നണികളുടെ തീരുമാനം. യു.ഡി.എഫ് സീറ്റ് വിഭജനം തിങ്കാഴ്ച പൂര്‍ത്തിയാകും. ഇടത് മുന്നണിയുടെ സീറ്റ് വിഭജന ചര്‍ച്ചകള്‍ ദിവസങ്ങള്‍ക്കുള്ളില്‍ പൂര്‍ത്തിയാക്കും. സി.പി.എം സ്ഥാനാര്‍ഥി നിര്‍ണ്ണയ ചര്‍ച്ചകള്‍ ഇന്ന് ചേരുന്ന സംസ്ഥാന സെക്രട്ടറിയേറ്റിലുണ്ടാകാനാണ് സാധ്യത.
