കോന്നി: വിദ്യാഭ്യാസത്തിലൂടെ സ്വഭാവ രൂപീകരണം പൂർത്തിയാക്കി മികച്ച വ്യക്തിത്വമുള്ള തലമുറയെ രൂപപ്പെടുത്താൻ കഴിയണമെന്ന് എസ് എൻ.ഡി.പി യോഗം പത്തനംതിട്ട യൂണിയൻ പ്രസിഡണ്ട് കെ.പത്മകുമാർ പറഞ്ഞു. 414 നമ്പർ വള്ളിയാനി പരപ്പനാൽ ശാഖയിൽ വിദ്യാഭ്യാസ അവാർഡുകൾ വിതരണം ചെയ്തു സംസാരിക്കുകയായിരുന്നു അദ്ദേഹം. ശാഖ പ്രസിഡണ്ട് പി.ആർ. ഗിരീഷ് യോഗത്തിൽ അധ്യക്ഷത വഹിച്ചു.
യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, യൂണിയൻ കൗൺസിലർ എസ്.സജിനാഥ്,മൈക്രോ ഫൈനാൻസ് യൂണിയൻ കോ ഓർഡിനേറ്റർ കെ.ആർ.സലീലനാഥ്, ശാഖ സെക്രട്ടറി കെ.കാർത്തികേയൻ എന്നിവർ സംസാരിച്ചു.എസ്.എസ്. എൽ.സി, സി.ബി.എസ്.ഇ പത്താം ക്ളാസ്, പുസ് ടു പരീക്ഷകളിൽ മികച്ച വിജയം കരസ്ഥമാക്കിയ സംഗീത ശ്രീമന്ദിരം, ഹരി നന്ദന നിരവേൽ, അർച്ചന അജിത്, ആരവ് ആർ. ജിത്ത് രഞ്ജിത്ത് ഭവൻ എന്നിവർക്ക് എൻഡോവ്മെന്റുകൾ വിതരണം ചെയ്തു.
