കാസര്കോട് : മെട്രോമാന് ഇ ശ്രീധരന് ബിജെപിക്ക് മുതല്ക്കൂട്ടെന്ന് പാര്ട്ടി സംസ്ഥാന അധ്യക്ഷന് കെ സുരേന്ദ്രന്. ശ്രീധരന്റെ താത്പര്യം കൂടി അനുസരിച്ച് മണ്ഡലം നിശ്ചയിക്കും. മെട്രോമാനെ സ്ഥാനാര്ത്ഥിയായി ലഭിച്ചത് ബിജെപിക്ക് ഗുണം ചെയ്യുമെന്നും അദ്ദേഹം പറഞ്ഞു. ഇ ശ്രീധരന് വിജയസാധ്യതയുള്ള ഒട്ടേറെ മണ്ഡലങ്ങള് കേരളത്തിലുണ്ട്. താന് ഇത്തവണ മത്സരിക്കുന്ന കാര്യം പാര്ട്ടി തീരുമാനിക്കുമെന്നും അധ്യക്ഷന്.
സ്വര്ണക്കടത്ത് കേസില് വിവാദം അവസാനിച്ചിട്ടില്ലെന്നും ജാമ്യം ലഭിക്കുന്നത് സ്വാഭാവിക നടപടി മാത്രമെന്നും കെ സുരേന്ദ്രന്. ബിജെപി തെരഞ്ഞെടുപ്പില് വിഷയം സജീവമായി ഉയര്ത്തിക്കാട്ടും. എം ശിവശങ്കര് മുഖ്യമന്ത്രിയുടെ ഓഫീസ് ദുരുപയോഗം ചെയ്തതിന് തെളിവുണ്ടെന്നും സുരേന്ദ്രന് പറഞ്ഞു.
