കൊച്ചി: മഹാജാസ് കോളജിന്റെ പേരില് വ്യാജരേഖ കേസില് കെ വിദ്യ നല്കിയ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി അടുത്തയാഴ്ചയിലേക്ക് മാറ്റി. ജസ്റ്റിസ് ബച്ചു കുര്യന് തോമസിന്റെ ബഞ്ചിലാണ് ഹര്ജി. രാഷ്ട്രീയ നേട്ടത്തിന് വേണ്ടി കെട്ടിച്ചമച്ച കേസെന്നാണ് ഹൈക്കോടതിയില് നല്കിയ മുന്കൂര് ജാമ്യാപേക്ഷയില് വിദ്യയുടെ വാദം. ജാമ്യമില്ല വകുപ്പ് ചുമത്തിയത് നിലനില്ക്കില്ലെന്നും കേസ് അന്വേഷണവുമായി സഹകരിക്കാന് തയ്യാറെന്നും വിദ്യ കോടതിയെ അറിയിച്ചിരുന്നു. അതേസമയം വിദ്യ അട്ടപ്പാടി കോളജില് നല്കിയതും വ്യാജരേഖകളാണെന്ന് കണ്ടെത്തി. അധ്യാപക നിയമനത്തിനായി വിദ്യ ഹാജരാക്കിയ പ്രവൃത്തി പരിചയ സര്ട്ടിഫിക്കറ്റിലെ ഒപ്പും സീലുമാണ് വ്യാജമെന്ന് കണ്ടെത്തിയത്. കൂടാതെ ബയോഡാറ്റയിലും കൃത്രിമം നടന്നതായി കണ്ടെത്തി.
വ്യാജരേഖയുടെ ഒറിജിനല് കണ്ടെത്താനായില്ലെങ്കിലും നിലവിലെ തെളിവുകളുടെ അടിസ്ഥാനത്തില് വിദ്യയെ അറസ്റ്റ് ചെയ്യുന്നതിന് തടസ്സമില്ലെന്നാണ് അന്വേഷണ സംഘത്തിന്റെ നിലപാട്. അതേസമയം മഹാജാസ് കോളജിന്റെ പേരില് വ്യാജരേഖ ചമച്ച കേസില് എഫ് ഐ ആര് രജിസ്റ്റര് ചെയ്ത് ദിവസങ്ങള് പിന്നിട്ടിട്ടും വിദ്യയെ കണ്ടെത്താന് അന്വേഷണ സംഘത്തിന് കഴിഞ്ഞിട്ടില്ല.
