തിരുവനന്തപുരം : തലസ്ഥാനത്ത് രോഗവ്യാപനം ഉണ്ടാക്കാന്‍ ബോധപൂര്‍വമായ ശ്രമം നടക്കുന്നതായി മന്ത്രി കടകംപള്ളി സുരേന്ദ്രന്‍ പറഞ്ഞു. ഇത്തരത്തിലുള്ള ശ്രമമുണ്ടെന്ന് സംശയിക്കേണ്ട സാഹചര്യമാണ് നിലവില്‍ ഉള്ളത്. നഗരത്തിലേക്കുള്ള ജനങ്ങളുടെ അനാവശ്യയാത്രകള്‍ ഒഴിവാക്കണമെന്നും സെക്രട്ടറിയേറ്റില്‍ ഇന്നു മുതല്‍ സന്ദര്‍ശകര്‍ക്ക് കര്‍ശന നിയന്ത്രണം ഏര്‍പ്പെടുത്തുമെന്നും മന്ത്രി പറഞ്ഞു.
പോലീസുകാരന് രോഗം പിടിപെട്ടത് സമരക്കാരില്‍ നിന്നാണെന്ന് സംശയമുണ്ടെന്നും മന്ത്രി പറഞ്ഞു. സമരക്കാരെ ഈ പോലീസുകാരന് മിക്ക ദിവസവും നേരിട്ടിരുന്നു. എആര്‍ ക്യാമ്പിലെ മറ്റ് പോലീസുകാര്‍ക്കൊ പോലീസുകാരന്റെ കുടുംബാംഗങ്ങള്‍ക്കൊ രോഗം സ്ഥിരീകരിച്ചിട്ടില്ലെന്നും മന്ത്രി പറഞ്ഞു. ഇതില്‍ നിന്നും മനസിലാകുന്നത് പോലീസുകാരന് രോഗം പിടിപ്പെട്ടത് സമരക്കാരില്‍ നിന്നാകാനാണ് സാധ്യതയെന്നും മാധ്യമ പ്രവര്‍ത്തകരുടെ ചോദ്യങ്ങള്‍ക്ക് മറുപടിയായി കടകംപള്ളി വ്യക്തമാക്കി.
