ബംഗളൂരു : ബംഗളുരുവിൽ ആംബുലൻസിനായി റോഡിൽ മണിക്കൂറുകൾ കാത്തുനിന്ന കോവിഡ് രോഗി തളർന്നു വീണ് മരിച്ചു. ബെംഗളൂരു ഹനുമന്ത നഗറിലാണ് സംഭവം. 63 വയസുകാരനാണ് ശ്വാസം കിട്ടാതെ മരിച്ചത്. ബംഗളുരുവിലെ ആശുപത്രികൾ ചികിത്സ നിഷേധിക്കുന്നെന്ന പരാതികൾ വ്യാപകമാവുമ്പോഴാണ് സംഭവം. ബെംഗളൂരു കമ്മീഷണർ അന്വേഷണത്തിന് ഉത്തരവിട്ടു. ബംഗളൂരുവിലെ ആശുപത്രികള് കൊവിഡ് രോഗികളെ ചികിത്സയ്ക്കായി പരിഗണിക്കാതിരുന്ന മറ്റ് സംഭവങ്ങളുമുണ്ടായിട്ടുണ്ട്.
കഴിഞ്ഞ ദിവസം നിരവധി ആശുപത്രികളില് കയറിയിറങ്ങിയിട്ടും ചികിത്സ ലഭിക്കാത്ത സാഹചര്യത്തില് രോഗി ആശുപത്രി വളപ്പിനുള്ളില് വച്ച് മരണപ്പെട്ടിരുന്നു. ഇയാള്ക്ക് കിടക്ക ലഭിക്കാന് വേണ്ടി മുപ്പതിലധികം ആശുപത്രികളില് ഫോണില് ബന്ധപ്പെട്ടതായി ബന്ധുക്കള് അറിയിച്ചിരുന്നു.