കളമശേരി: കളമശേരിയില് യുഡിഎഫും മുസ്ലിം ലീഗും തമ്മില് തര്ക്കം. മുനിസിപ്പല് ചെയര്പേഴ്സണ് കോണ്ഗ്രസിലെ സീമ കണ്ണനെ മാറ്റണമെന്ന് മുസ്ലിം ലീഗ് നേതൃത്വം ആവശ്യപ്പെട്ടു. ചെയര്പേഴ്സണും സംഘവും കാലുവാരി.
യുഡിഎഫിന്റെ കളമശേരിയിലെ തെരഞ്ഞെടുപ്പ് കമ്മിറ്റി ചെയര്മാനാണ് ജമാല് മണക്കാടന്. എന്നാല് 37ാം വാര്ഡില് വിമതനെ നിര്ത്തിയത് ജമാല് മണക്കാടനാണ്. ഇദ്ദേഹത്തിന്റെ ഭാഗത്ത് നിന്ന് തെരഞ്ഞെടുപ്പില് യാതൊരു സഹകരണവും ഉണ്ടായിരുന്നില്ല. ജമാല് മണക്കാടനെതിരെ പരാതി കൊടുത്തിട്ടും ഡിസിസി നടപടിയെടുത്തില്ല. പ്രശ്ന പരിഹാരത്തിന് ഒരു ശ്രമവും നടത്തിയില്ല. മുനിസിപ്പാലിറ്റി ഭരണം യുഡിഎഫിന് നഷ്ടമാകരുതെന്നാണ് ആഗ്രഹം. കോണ്ഗ്രസ് ഉണര്ന്ന് പ്രവര്ത്തിക്കണമെന്നും ലീഗ് നേതാക്കള് മാധ്യമങ്ങളോട് പറഞ്ഞു.
എന്നാല് യുഡിഎഫ് വിമതന്റെ പിന്തുണയോടെ മുനിസിപ്പല് ചെയര്പേഴ്സണ് തെരഞ്ഞെടുപ്പില് ഇടത് – വലത് മുന്നണികള് 20 സീറ്റുകള് വീതം നേടിയിരുന്നു. തുടര്ന്ന് വോട്ടെടുപ്പിലൂടെയാണ് സീമ കണ്ണന് ചെയര്പേഴ്സണായത്.
അതിന് ശേഷം യുഡിഎഫ് വിമതനായി മത്സരിച്ച് ജയിച്ച കൗണ്സിലര് ഇടതുമുന്നണി വിട്ട് യുഡിഎഫിന്റെ ഭാഗമായി. ഇതോടെ 21-19 എന്ന നിലയിലാണ് മുനിസിപ്പാലിറ്റിയിലെ സീറ്റ് നില. മുനിസിപ്പല് വാര്ഡായ 37ാം വാര്ഡിലെ വിജയത്തോടെ നഗരസഭയില് 20 സീറ്റില് എല്ഡിഎഫും 21 സീറ്റില് യുഡിഎഫും എന്ന നിലയാണ്. യുഡിഎഫ് വിമതന്റെ പിന്തുണ നേടാനായാല് ഇടതുമുന്നണിക്ക് ഭരണവും ലഭിക്കും.
