കണ്ണൂര്: കണ്ണൂരില് തീപിടിത്തമുണ്ടായ ട്രെയിനില് എന് ഐ എ സംഘം പരിശോധന നടത്തി. കൊച്ചിയില് നിന്നുള്ള ഉദ്യോഗസ്ഥരാണ് പരിശോധന നടത്തിയത്. അന്വേഷണ റിപ്പോര്ട്ട് ഇന്ന് കൈമാറും. കേസ് ഉടന് എന്ഐഎ എറ്റെടുത്തേക്കില്ലെന്നാണ് സൂചന. അതേസമയം കസ്റ്റഡിയിലുള്ളയാള്ക്ക് മാനസിക അസ്വാസ്ഥ്യമുള്ളതായി സൂചന. ചോദ്യം ചെയ്യല് തുടരുകയാണ്. ഇയാളുടെ അറസ്റ്റ് രേഖപ്പെടുത്തിയേക്കും.
പിടിയിലായ പ്രതി ഉത്തര്പ്രദേശ് സ്വദേശിയാണ്. നേരത്തെ ട്രെയിനിന് മുന്നില് ചവര് കൂട്ടിയിട്ട് കത്തിച്ച കേസില് ഇയാളെ കസ്റ്റഡിയിലെടുത്ത് വിട്ടയച്ചിരുന്നു. ഇന്നലെ ഷര്ട്ട് ധരിക്കാതെ പ്രതി കണ്ണൂര് റെയില്വെ സ്റ്റേഷന്റെ ഭാഗത്തുണ്ടായിരുന്നു. ഇയാളെ ബിപിസിഎല്ലിലെ ഉദ്യോഗസ്ഥനാണ് കണ്ടത്. ഈ സാക്ഷി പ്രതിയെ തിരിച്ചറിഞ്ഞു. ചോദ്യം ചെയ്യലില് പ്രതി കുറ്റംസമ്മതിച്ചെന്നാണ് സൂചന. എന്നാല് പോലീസ് ഇക്കാര്യം വ്യക്തമാക്കിയിട്ടില്ല.
