കരിപ്പൂര് : കഴിഞ്ഞദിവസത്തെ അപകടത്തിന്റെ പശ്ചാത്തലത്തില് കോഴിക്കോട് വിമാനത്താവളത്തില് വീണ്ടും വലിയ വിമാനങ്ങള്ക്ക് വിലക്ക്. കോഡ്-ഇ കാറ്റഗറിയിലുള്ള വിമാനങ്ങള്ക്കാണ് വ്യോമയാന മന്ത്രാലയം വിലക്ക് ഏര്പ്പെടുത്തിത്.
കോഡ്-സിയിലുള്ള ബി 737-800 കാറ്റഗറിയിലെ ചെറിയ വിമാനമാണ് അപകടത്തില്പെട്ടത്. റണ്വേ നവീകരണത്തിന്റെ പേരില് 2015 മേയ് ഒന്നു മുതല് നിര്ത്തിയ സര്വ്വീസ് ഏറെ ശ്രമങ്ങള്ക്ക് ശേഷം 2018 ഡിസംബറിലാണ് പുനരാരംഭിച്ചത്. നിലവില് സൗദി എയര്ലൈന്സ്, എയര് ഇന്ത്യ, എമിറേറ്റ്സ്, ഖത്തര് എന്നീ കമ്പനികള്ക്ക് വലിയ വിമാനത്തിന് അനുമതിയുണ്ട്. ഇതില് സൗദിയ, എയര് ഇന്ത്യ എന്നിവ സര്വ്വീസ് ആരംഭിച്ചിരുന്നു.
