ബെംഗളൂരു : കര്ണാടകയില് കോവിഡ് ബാധിച്ച് മരിച്ച വ്യക്തിയുടെ കുടുംബാംഗങ്ങള് ആംബുലന്സ് കത്തിച്ചു. കര്ണാടകയിലെ ബെലഗാവിയില് ആണ് സംഭവം. കുടുംബാംഗങ്ങള് പ്രാദേശിക ആശുപത്രിയിലെ തീവ്രപരിചരണ വിഭാഗത്തിലെ ഒരു ഡോക്ടറെ ആക്രമിച്ചുവെന്നും ആരോപണമുണ്ട്. ആംബുലന്സ് കത്തിക്കുന്ന വീഡിയോ സമൂഹ മാധ്യമങ്ങളില് പ്രചരിക്കുകയാണ്.
ആംബുലന്സ് കത്തി പുക ഉയരുകയും അഗ്നിശമന സേനാംഗങ്ങള് തീ അണക്കാന് ശ്രമിക്കുന്നതും വീഡിയോയില് കാണുന്നുണ്ട്. രോഗിയുടെ മരണത്തില് ക്ഷുഭിതരായ കുടുംബാംഗങ്ങള് നഗരത്തിലെ ബിംസ് ആശുപത്രിക്ക് നേരെ കല്ലെറിയുകയും ചെയ്തിരുന്നു. പ്രദേശത്തെ ആശുപത്രിയില് തീവ്ര പരിചരണ വിഭാഗത്തില് ചികിത്സയിലിരിക്കെയാണ് രോഗി മരിച്ചത്. ഇയാള്ക്ക് മറ്റ് പല രോഗങ്ങളും ഉണ്ടായിരുന്നതായി റിപ്പോര്ട്ടുകളുണ്ട്.
