തൃശൂർ : കരുവന്നൂര്‍ കള്ളപ്പണ ഇടപാട് കേസില്‍ ആദ്യഘട്ട അന്വേഷണം പൂര്‍ത്തിയാക്കാനൊരുങ്ങി എന്‍ഫോഴ്‌സ്‌മെന്റ് ഡയറക്ടറേറ്റ്. നാല് പ്രതികളെ ഉള്‍പ്പെടുത്തിയുള്ള കുറ്റപത്രം ഉടന്‍ തയ്യാറാക്കും. ഉന്നത രാഷ്ട്രീയ നേതൃത്വത്തിലേക്കുള്ള അന്വേഷണം തുടരാനാണ് ഇഡിയുടെ നീക്കം. കരുവന്നൂര്‍ സര്‍വീസ് സഹകരണ ബാങ്കിലെ കള്ളപ്പണ ഇടപാട് കേസില്‍ ഇഡി അന്വേഷണം തുടങ്ങിയിട്ട് ഒരുവര്‍ഷത്തിലധികമായി. നാല് പേരെയാണ് കള്ളപ്പണ കേസില്‍ ഇഡി ഇതുവരെ അറസ്റ്റ് ചെയ്തത്. പി സതീഷ് കുമാര്‍, പിപി കിരണ്‍, പിആര്‍ അരവിന്ദാക്ഷന്‍, സികെ ജില്‍സ് എന്നിവരാണ് നാല് പ്രതികള്‍. ഇവരെ മുന്‍നിര്‍ത്തി ആദ്യഘട്ട അന്വേഷണം പൂര്‍ത്തിയാക്കാനും കുറ്റപത്രം നല്‍കാനുമാണ് ഇഡിയുടെ ശ്രമം.
പൊതുപണം തട്ടിയെടുത്തു, ഒരു വ്യക്തിക്ക് ഒരു വസ്തുവിന്റെ പണയത്തില്‍ ഒന്നിലധികം വായ്പകള്‍ അനുവദിച്ചു തുടങ്ങിയവയാണ് പ്രാഥമിക കുറ്റകൃത്യങ്ങൾ. കള്ളപ്പണ നിരോധന നിയമ പ്രകാരമുള്ള ഇടപാടുകളിലാണ് കുറ്റപത്രം തയ്യാറാക്കുന്നത്. പി സതീഷ് കുമാറും പിപി കിരണുമാകും പ്രധാന പ്രതികള്‍. ഇടപാടുകളുടെ കൂട്ടാളിയെന്ന നിലയിലാണ് പിആര്‍ അരവിന്ദാക്ഷനെ കുറ്റപത്രത്തില്‍ അവതരിപ്പിക്കുക. അതേസമയം ഇഡിയുടെ അന്വേഷണം രാഷ്ട്രീയ അജണ്ടയെന്നാണ് സിപിഐഎം നേരത്തെ ഉയര്‍ത്തുന്ന ആക്ഷേപം. കൂടുതല്‍ വിവരങ്ങള്‍ കിട്ടാതായതോടെ അന്വേഷണം അവസാനിപ്പിക്കുന്നുവെന്നും നേതാക്കളെ വലിച്ചിഴയ്ക്കാനുള്ള ശ്രമമാണ് ഇഡിയെ ഉപയോഗിച്ച് ബിജെപി നടത്തുന്നത് എന്നുമാണ് സിപിഐഎം ഉയര്‍ത്തുന്ന പ്രതിരോധം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
