കാസര്‍കോട് : മാപ്പ്സാക്ഷിയെ ഭീഷണിപ്പെടുത്തിയ കേസില്‍ കെ.ബി ഗണേഷ്‌കുമാറിന്റെ ഓഫീസ് സെക്രട്ടറി പ്രദീപ് കുമാറിനെ നാല് ദിവസത്തേക്ക് പോലീസ് കസ്‌റ്റഡിയില്‍ വിട്ടു. പ്രദീപിനെ 48 മണിക്കൂറിനിടെ വൈദ്യപരിശോധന നടത്തണമെന്നും കേസ് പരിഗണിച്ച ഹോസ്‌ദുര്‍ഗ് ഫസ്‌റ്റ് ക്ളാസ് മജിസ്‌ട്രേ‌റ്റ് ആവശ്യപ്പെട്ടു. നവംബര്‍ 29ന് വൈകിട്ട് 3:30 വരെയാണ് ഇയാളെ കസ്‌റ്റഡിയില്‍ വിട്ടത്. 30ന് പ്രദീപ് കുമാറിന്റെ ജാമ്യാപേക്ഷ പരിഗണിക്കും.
കൊല്ലത്ത് വെച്ചാണ് പ്രദീപ് കുമാര്‍ നടിയെ ആക്രമിച്ച കേസിലെ മാപ്പ്സാക്ഷിയെ ഭീഷണിപ്പെടുത്തിയത്. തെളിവെടുപ്പിനായി ഇയാളെയും കൂട്ടി അടുത്തദിവസം തന്നെ പോലീസ് കൊല്ലത്തേക്ക് പോകും. മാപ്പ്സാക്ഷിയുടെ ബന്ധുവിന്റെ ഫോണില്‍ വിളിച്ചാണ് ഇയാള്‍ ഭീഷണിപ്പെടുത്തിയത്.
