വയനാട് : സി.പി.ഐയെ വിമര്‍ശിച്ച് കേരള കോണ്‍ഗ്രസ് എം വയനാട് ജില്ലാ പ്രസിഡന്റ്. കാനം-ഇസ്മായില്‍ ഗ്രൂപ്പ് പോര് മറക്കുന്നതിന് വേണ്ടി കേരള കോണ്‍ഗ്രസിന്റെ മെക്കിട്ട് കയറുകയാണ് സി.പി.ഐ എന്ന് സംസ്ഥാന സ്റ്റിയറിംഗ് കമ്മിറ്റി അംഗം കെ.ജെ ദേവസ്യ.
സി.പി.ഐയെ രൂക്ഷമായി വിമര്‍ശിച്ച് സംസ്ഥാന സെക്രട്ടറി കാനം രാജേന്ദ്രന് കത്തയച്ചു. എല്‍.ഡി.എഫിലെ മൂന്നാം കക്ഷിയായ കേരള കോണ്‍ഗ്രസ് നേടിയ 3.28 ശതമാനം വോട്ടാണ് മുന്നണിക്ക് ചരിത്ര വിജയം സമ്മാനിച്ചത്. കേരള കോണ്‍ഗ്രസ് മല്‍സരിച്ച 12 മണ്ഡലങ്ങളിലും ആര്‍ക്ക് വോട്ട് ചെയ്യണമെന്നുള്ള സി.പി.ഐയുടെ രഹസ്യ നിര്‍ദേശം നാട്ടില്‍ പാട്ടാണ്. വസ്തുത ഇതായിരിക്കെ കൈയ്യക്ഷരം നന്നാകാത്തതിന് പേനയെ കുറ്റപ്പെടുത്തുന്നത് ശരിയല്ലെന്ന് കെ.ജെ ദേവസ്യ കത്തില്‍ പറയുന്നു.
