തിരുവനന്തപുരം : സംസ്ഥാനത്ത് ഇന്ന് 193 പേര്‍ക്ക് കോവിഡ് സ്ഥിരീകരിച്ചു. തിരുവനന്തപുരം 7, കൊല്ലം 11, ആലപ്പുഴ 15, പത്തനംതിട്ട 26, കോട്ടയം 6, ഇടുക്കി 6, എറണാകുളം 25, തൃശൂര്‍14, പാലക്കാട് 8, മലപ്പുറം 35, കോഴിക്കോട് 15, കണ്ണൂര്‍ 11, കാസര്‍കോട് 6, വയനാട് 8.
രോഗം സ്ഥിരീകരിച്ചവരില്‍ വിദേശത്തു നിന്നു വന്നവര്‍ 92, ഇതര സംസ്ഥാനങ്ങളില്‍ നിന്നു വന്നവര്‍ 65. സമ്പര്‍ക്കത്തിലൂടെ 35 പേര്‍ക്ക് രോഗം സ്ഥിരീകരിച്ചു. രണ്ടു പേര്‍ മരിച്ചു. മഞ്ചേരി മെഡിക്കല്‍ കോളജില്‍ 87 വയസ്സുള്ള മുഹമ്മദ്, എറണാകുളം മെഡിക്കല്‍ കോളജില്‍ 65 വയസ്സുള്ള യൂസഫ് എന്നിവരാണ് മരിച്ചത്.
167 പേര്‍ക്ക് രോഗമുക്തി ലഭിച്ചു. തിരുവനന്തപുരം 7, കൊല്ലം 10, ആലപ്പുഴ 7, പത്തനംതിട്ട 27, കോട്ടയം 11, എറണാകുളം 16, തൃശൂര്‍16, പാലക്കാട് 33, മലപ്പുറം 13, കോഴിക്കോട് 5, കണ്ണൂര്‍ 10, കാസര്‍കോട് 12,
കഴിഞ്ഞ 24 മണിക്കൂറിനിടെ 9927 സാമ്പിളുകളാണ് പരിശോധിച്ചത്. ഇതുവരെ 5622 പേര്‍ക്ക് രോഗം സ്ഥിരീകരിച്ചു. ചികിത്സയില്‍ കഴിയുന്നത്‌ 2252 പേര്‍ . വിവിധ ജില്ലകളിലായി 1,83,291 പേരാണ് ഇപ്പോള്‍ നിരീക്ഷണത്തിലുള്ളത്. 2075 പേര്‍ ആശുപത്രികളിലും നിരീക്ഷണത്തിലാണ്. 384 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. ഇതുവരെ ആകെ 2,04,452 സാമ്പിളുകളാണു പരിശോധനയ്ക്കായി അയച്ചത്. 4179 സാമ്പിളുകളുടെ ഫലം വരാനുണ്ട്. ഇതുകൂടാതെ സെന്റിനല്‍ സര്‍വയലന്‍സിന്റെ ഭാഗമായി ആരോഗ്യ പ്രവര്‍ത്തകര്‍, അന്യസംസ്ഥാന തൊഴിലാളികള്‍, സാമൂഹിക സമ്പര്‍ക്കം കൂടുതലുള്ള വ്യക്തികള്‍ മുതലായ മുന്‍ഗണനാ ഗ്രൂപ്പുകളില്‍ നിന്ന് 60.006 സാമ്പിളുകള്‍ ശേഖരിച്ചതില്‍ 57,804 സാമ്പിളുകള്‍ നെഗറ്റീവ് ആയി.
