തിരുവനന്തപുരം : സിഎസ്ബി ബാങ്കിലെ ജീവനക്കാര്‍ ഒക്ടോബര്‍ 20,21,22 തിയതികളില്‍ വിവിധ വിഷയങ്ങള്‍ ഉന്നയിച്ച് പണിമുടക്കുന്നതിന്റെയും സംസ്ഥാനത്തെ ബാങ്ക് ജീവനക്കാരാകെ സമരത്തിന് പിന്തുണ പ്രഖ്യാപിച്ച് ഒക്ടോബര്‍ 22ന് പണിമുടക്കുന്നതിന്റെയും പശ്ചാത്തലത്തില്‍ സിഎസ്ബി ബാങ്ക് മാനേജിംഗ് ഡയറക്ടറെ സര്‍ക്കാര്‍ ചര്‍ച്ചക്ക് വിളിച്ചു.
ധനകാര്യമന്ത്രി കെഎന്‍ ബാലഗോപാലിന്റെ അധ്യക്ഷതയില്‍ നടന്ന ചര്‍ച്ചയില്‍ സിഎസ്ബി ബാങ്ക് എംഡി സിവി രാജേന്ദ്രനും ധനകാര്യ അഡീഷണല്‍ ചീഫ് സെക്രട്ടറി രാജേഷ് കുമാര്‍ സിംഗും പങ്കെടുത്തു. ധനകാര്യമന്ത്രി ആവശ്യപ്പെട്ടതനുസരിച്ച് യുണൈറ്റഡ് ഫോറം ഓഫ് സിഎസ്ബി ബാങ്ക് യൂണിയനുകളുമായി ഇന്നുതന്നെ പ്രശ്‌നങ്ങള്‍ ചര്‍ച്ച ചെയ്യാമെന്ന് എംഡി ഉറപ്പുനല്‍കി.
