പന്തളം: ആരോഗ്യരംഗത്ത് കേരളം വലിയ മുന്നേറ്റം ഉണ്ടാക്കിയെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. പന്തളം സാമൂഹ്യ ആരോഗ്യകേന്ദ്രത്തെ കുടുംബാരോഗ്യകേന്ദ്രമായി ഉയർത്തുന്നതിന്റെയും ഒ പി ഡെന്റൽ ബ്ലോക്കുകളുടെയും ഉദ്ഘാടനം നിർവഹിച്ച് സംസാരികയാരുന്നു ഡെപ്യൂട്ടി സ്പീക്കർ. ആർദ്രം പദ്ധതിയിൽ ഉൾപ്പെടുത്തി 37 ലക്ഷം രൂപ ചെലവഴിച്ചാണ് ഒ പി ബ്ലോക്ക് നവീകരിച്ച് ഇവിടെ കുടുംബാരോഗ്യ കേന്ദ്രമാക്കുന്നത്. പന്തളം ബ്ലോക്ക് പഞ്ചായത്ത് പ്രസിഡന്റ് പോൾ രാജൻ അധ്യക്ഷത വഹിച്ചു.
ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ബി എസ് അനീഷ് മോൻ സ്വാഗതം ആശംസിച്ചു. തുമ്പമൺ ഗ്രാമപഞ്ചായത്ത് പ്രസിഡന്റ് റോണി സക്കറിയ, ജില്ലാ പഞ്ചായത്ത് അംഗം റോബിൻ പീറ്റർ, അശ്വതി വിനോജ്, വിഎം മധു, ലാലി ജോൺ, രേഖാ അനിൽ, രജിത കുഞ്ഞുമോൻ, ജൂലി ദിലീപ്, ശോഭ മധു, ഡോക്ടർ ശ്രീകുമാർ എസ്, ഡോക്ടർ ഐപ്പ് ജോസഫ്, ഡോക്ടർ അംജിത്ത് രാജീവൻ, അശോക് കുമാർ റ്റി കെ, സനൽകുമാർ, ശ്രീകല കെജി, ശ്രീജക്കുഞ്ഞമ്മ സി ഒ, ഉമ്മൻ ചക്കാലയിൽ, എൻ സി അബീഷ്, ശ്രീജു എസ്, അനീഷാ സോമൻ, ആൻസി മേരി അലക്സ് തുടങ്ങിയവർ ചടങ്ങിൽ സംസാരിച്ചു.
