തിരുവനന്തപുരം; യുഡിഎഫ് എം.എല്.എമാര്ക്കെതിരെ കേരള പോലീസ് അസോസിയേഷന്. നിയമസഭയിലെ പ്രതിപക്ഷ പ്രതിഷേധവുമായി ബന്ധപ്പെട്ടു ഇന്ന് നടന്ന കയ്യാങ്കളിയില് യുഡിഎഫ് എം.എല്.എമാര്ക്കെതിരെ നടപടിയാവശ്യപ്പെട്ട് പോലീസ് അസോസിയേഷന് മുഖ്യമന്ത്രിക്ക് പരാതി നല്കി. ജനപ്രതിനിധികളുടെ ഭാഗത്തുനിന്ന് വാച്ച് ആന്ഡ് വാര്ഡിനെതിരെ നടന്ന ആക്രമണം ഗൗരവതരമാണ്. നിയമവ്യവസ്ഥയുടെ അന്തസ്സ് ഉയര്ത്തിപ്പിടിക്കും വിധം കര്ശന നടപടി സ്വീകരിക്കണമെന്നും പോലീസ് അസോസിയേഷന് പരാതിപ്പെട്ടു.
കേരളാ പോലീസ് അസോസിയേഷനെ കൂടാതെ, കേരളാ പോലീസ് ഓഫീസേഴ്സ് അസോസിയേഷനും പരാതി നല്കിയിട്ടുണ്ട്. പരിക്കേറ്റ ഉദ്യോഗസ്ഥരെ കാണാന് ജനറല് ആശുപത്രിയില് എത്തിയപ്പോള് മന്ത്രിയുടെ മുന്നിലും പരാതിയുമായി അസോസിയേഷന് നേതാക്കളെത്തിയിരുന്നു. അതേസമയം സ്പീക്കറുടെ ഓഫീസ് ഉപരോധിച്ച പ്രതിപക്ഷ അംഗങ്ങളെ ഒഴിപ്പിക്കാന് വാച്ച് ആന്റ് വാര്ഡ് ശ്രമിച്ചതാണ് കയ്യാങ്കളിയില് കലാശിച്ചത്. സംഘര്ഷത്തിനിടെ തിരുവഞ്ചൂര് രാധാകൃഷ്ണനെ വാച്ച് ആന്റ് വാര്ഡ് മര്ദിച്ചതായി പ്രതിപക്ഷം ആരോപിച്ചു. ഉന്തിനും തള്ളിനുമിടയില് ചാലക്കുടി എംഎല്എ സനീഷ് കുമാര് ജോസഫ് കുഴഞ്ഞു വീണു.