കോഴിക്കോട്: സംസ്ഥാന സ്കൂൾ കലോത്സവത്തിൽ കോന്നി റിപ്പബ്ലിക്കൻ വൊക്കേഷണൽ ഹയർ സെക്കൻ്ററി സ്കൂളിലെ വിദ്യാർത്ഥിനികൾക്ക് ഹൈസ്കൂൾ വിഭാഗം സംഘനൃത്തത്തിന് ‘എ’ ഗ്രേഡ് ലഭിച്ചു. ആതിര ദിലീപ്, ഭാഗ്യമാണിക്യം, ശ്രീനന്ദ, എം.എം.ജയലക്ഷ്മി, ശ്രദ്ധ ലക്ഷ്മി, സംവൃത സുനിൽ, പാർവതി അനിൽ എന്നിവരുടെ ടീമാണ് വിജയം നേടിയത്. ചിലപ്പതികാരത്തിലെ കണ്ണകിയുടെ ചരിതമാണ് നൃത്തത്തിലൂടെ സ്കൂൾ അരങ്ങിലെത്തിച്ചത്.
സ്കൂളിൽ അധ്യാപക പരിശീലനത്തിനെത്തിയ ഇടക്കുളം മാർത്തോമ ടീച്ചേഴ്സ് ട്രെയിനിങ് കോളജിലെ അധ്യാപികയായ ഭാഗ്യ ജെ.വിനയകുമാറാണ് കുട്ടികളെ പരിശീലിപ്പിച്ചത്. നൃത്തം പാഷനും അധ്യാപനം പ്രൊഫഷനുമാക്കിയ ഭാഗ്യ ടീച്ചറിൻ്റെ നേതൃത്വത്തിൽ മാസങ്ങളായി നടത്തിയ അടുക്കും ചിട്ടയോടുംകൂടിയ പരിശീലനമാണ് ടീമിനെ വിജയത്തിലെത്തിച്ചത്.
കണ്ണൂര്‍ യൂണിവേഴ്‌സിറ്റി കലോത്സവത്തില്‍ സംഘനൃത്തത്തിന് ഒന്നാം സ്ഥാനം ലഭിച്ച കണ്ണകി കോമ്പോസിഷനാണ് നൃത്തത്തിനായി കൊറിയോഗ്രഫി ഒരുക്കിയത്. സ്കൂളിലെ പൂർവ്വ വിദ്യാർത്ഥിനിയും സംസ്ഥാന കലാത്സവ വേദികളിലെ നിറസാന്നിദ്ധ്യവുമായിരുന്ന സായിലക്ഷ്മി, അധ്യാപികമാരായ ഗീതാകുമാരി ആർ, ശ്രീജ ബി. എന്നിവരാണ് കുട്ടികൾക്ക് പിന്തുണയുമായി ഒപ്പമുണ്ടായിരുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
