കൊച്ചി: കിഫ്ബി മസാലബോണ്ട് കേസില് മുന്ധനകാര്യമന്ത്രി തോമസ് ഐസക്കിനെതിരേ തെളിവുകള് പുറത്തുവിട്ട് എന്ഫോഴ്സ്മെന്റ് ഡയറക്ടറേറ്റ് (ഇ.ഡി.). മസാലബോണ്ടിലേക്ക് കിഫ്ബി എത്തിയതിനുപിന്നിലെ തോമസ് ഐസക്കിന്റെ പങ്ക് വെളിപ്പെടുത്തുന്ന യോഗങ്ങളുടെ മിനിറ്റ്സാണ് ഇപ്പോൾ പുറത്തുവന്നിരിക്കുന്നത്. നിര്ണായകയോഗത്തില് അധ്യക്ഷനായിരുന്നത് മുഖ്യമന്ത്രിയും. ചീഫ് സെക്രട്ടറിയും ധനകാര്യ സെക്രട്ടറിയും ഉയര്ന്ന പലിശനിരക്കില് മസാലബോണ്ട് വിതരണംചെയ്യുന്നതില് ആശങ്ക ഉന്നയിച്ചിരുന്നതായി മിനിറ്റ്സില്നിന്നു വ്യക്തമാണ്. എന്നാല്, അന്ന് ധനകാര്യമന്ത്രിയായിരുന്ന തോമസ് ഐസക് മസാലബോണ്ടുമായി മുന്നോട്ടുപോകുന്നതാണ് അഭികാമ്യമെന്ന് അഭിപ്രായപ്പെടുകയായിരുന്നു.
പലിശനിരക്ക് ഉയര്ന്നുനില്ക്കുകയാണെങ്കിലും അന്താരാഷ്ട്രവിപണിയിലേക്ക് കടക്കാന്കിട്ടുന്ന സാഹചര്യം പ്രയോജനപ്പെടുത്തണമെന്നായിരുന്നു തോമസ് ഐസക്കിന്റെ വാദം. മസാലബോണ്ട് ഇറക്കുന്നതുസംബന്ധിച്ച അന്നത്തെ ചര്ച്ച അവസാനിപ്പിച്ചുകൊണ്ടുള്ള അദ്ദേഹത്തിന്റെ ഈ നിർദേശമാണ് ഇ.ഡി. തെളിവായി മുന്നോട്ടുവെക്കുന്നത്.
