തിരുവനന്തപുരം : കിഫ്ബി മസാല ബോണ്ട് ഇറക്കിയ ഘട്ടത്തിൽ എതിർപ്പുമായി ചീഫ് സെക്രട്ടറിയും ധനകാര്യ സെക്രട്ടറിയും രംഗത്തെത്തിയതായി റിപ്പോർട്ട്. ടോം ജോസും മനോജ് ജോഷിയും എതിർപ്പ് അറിയിച്ചതിന്‍റെ മിനുട്സിന്‍റെ പകർപ്പ് പുറത്ത്. കിഫ്ബിയുടെ ബോർഡ് യോഗത്തിലായിരുന്നു ഇരുവരുടെയും എതിർപ്പ്. ആഭ്യന്തര വിപണിയിൽ നിന്ന് വായ്പയെടുക്കുന്നതിനേക്കാൾ ഉയർന്ന പലിശ നൽകേണ്ടിവരുമെന്നും ഹെഡ്ജ് ചെയ്യാത്ത ബാധ്യതകൾ ഭാവിയിൽ വലിയ സാമ്പത്തിക ബാധ്യത ഉണ്ടാക്കുമെന്നും ഉദ്യോഗസ്ഥർ ചൂണ്ടിക്കാണിച്ചിരുന്നു.
പലിശ നിരക്ക് നേരിയ തോതിൽ കൂടുതലാണെങ്കിലും അന്താരാഷ്ട്ര വിപണിയിൽ കിഫ്ബിക്ക് സ്വാധീനം ഉറപ്പിക്കാൻ ഈ അവസരം ഉപയോഗപ്പെടുത്തണമെന്ന് അന്ന് ധനമന്ത്രി നിലപാടെടുക്കുകയായിരുന്നു.
