തിരുവനന്തപുരം : ഒരു പത്രപ്രവര്‍ത്തകനെ കൊല ചെയ്തയാളെ ശിക്ഷിക്കാന്‍ പോലും കഴിയാത്ത രൂപത്തിലേക്ക് ഭരണകൂടം മാറിയിരിക്കുന്നെന്ന് ആര്‍എംപി നേതാവും എംഎല്‍യുമായ കെ.കെ രമ. അങ്ങേയറ്റം ജീര്‍ണ്ണമായ സാഹചര്യത്തിന് കേരളത്തിലെ മുഖ്യമന്ത്രിയാണ് മറുപടി പറയേണ്ടത്. ശ്രീറാം വെങ്കിട്ടരാമന്റെ നിയമനത്തിലൂടെ നാടിന്റെ ജീര്‍ണതയാണ് കാണുന്നത്. ഇത് നമ്മുടെ നാടിന് വെല്ലുവിളി കൂടിയാണെന്നും കെ.കെ രമ വിമര്‍ശിച്ചു
ഒരു പത്ര പ്രവര്‍ത്തകനെ കൊല ചെയ്ത കേസിലെ പ്രതിയെ ആറ് മാസത്തെ സസ്‌പെന്‍ഷന്‍ കഴിയുന്നതിന് മുമ്പെ ആരോഗ്യ വകുപ്പ് സെക്രട്ടറിയായി നിയമിച്ചു. അവിടുന്ന് ഇപ്പോ ജില്ലാ കളക്ടറാക്കി മാറ്റിയിരിക്കുകയാണ്. എന്ത് സന്ദേശമാണ് ഈ സര്‍ക്കാര്‍ നാട്ടിലെ ജനങ്ങളോട് നല്‍കുന്നതെന്നും കെ.കെ രമ ചോദിച്ചു.
