Friday, July 4, 2025 10:28 am

കെ.എല്‍ 83 – കോന്നി സബ് റീജിയണല്‍ ട്രാന്‍സ്‌പോര്‍ട്ട് ഓഫീസ് നിലവില്‍ വന്നു

For full experience, Download our mobile application:
Get it on Google Play

കോന്നി : സംസ്ഥാനത്ത് ജോയിന്റ് ആര്‍.ടി ഓഫീസുകള്‍ ഇല്ലാത്ത താലൂക്കുകളില്‍ ഘട്ടം ഘട്ടമായി ഓഫീസുകള്‍ തുറക്കുമെന്ന്  ഗതാഗത മന്ത്രി എ.കെ ശശീന്ദ്രന്‍ പറഞ്ഞു. കോന്നി സബ് റീജിയണല്‍ ട്രാന്‍സ്‌പോര്‍ട്ട് ഓഫീസ് വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

സബ് റീജിയണല്‍ ട്രാന്‍സ്‌പോര്‍ട്ട് ഓഫീസ് ഒന്നുകൂടി കേരളത്തില്‍ ആരംഭിച്ചിരിക്കുകയാണ്. കേരളത്തിലെ ആളുകളുമായി വളരെയധികം ബന്ധം പുലര്‍ത്തുന്ന വകുപ്പാണ് ട്രാന്‍സ്‌പോര്‍ട്ട് വകുപ്പ്. പ്രവര്‍ത്തനം കാര്യക്ഷമമാക്കുകയും സേവനം ലളിതമാക്കുകയും ചെയ്യുന്ന പ്രവര്‍ത്തനങ്ങളാണു വകുപ്പ് നടത്തിവരുന്നത്. ആദ്യഘട്ടമായി ആറും രണ്ടാം ഘട്ടമായി ഏഴും ആര്‍.ടി ഓഫീസുകളാണ് ആരംഭിക്കാന്‍ തീരുമാനിച്ചത്. രണ്ടാംഘട്ടത്തിലെ ഏഴ് ആര്‍.ടി ഓഫീസുകളിലെ ആദ്യത്തെ ഓഫീസാണ് കോന്നിയിലേത്. ലോക്ക്ഡൗണ്‍ നിയന്ത്രണങ്ങള്‍ വന്നതിനാല്‍ എല്ലാ ഓഫീസുകളും തുറക്കാന്‍ സാധിച്ചില്ല. കെ.യു ജനീഷ് കുമാര്‍ എംഎല്‍എ മുന്‍കൈ എടുത്താണ് ഓഫീസ് ഇപ്പോള്‍ പ്രവര്‍ത്തനം ആരംഭിക്കുന്നതെന്നും  മന്ത്രി പറഞ്ഞു.

ഇവിടത്തെ രജിസ്‌ട്രേഷന്‍ നമ്പര്‍ കെ.എല്‍ 83 എന്നാകും ഇനി അറിയപ്പെടുക. കോന്നി താലൂക്കിലെ പ്രധാന പഞ്ചായത്തുകളെ ഉള്‍ക്കൊള്ളിച്ചാണ് ഓഫീസ് ആരംഭിച്ചിരിക്കുന്നത്. മോട്ടോര്‍ വെഹിക്കിള്‍ വകുപ്പിന്റെ പുതിയ രീതിയിലുള്ള പ്രവര്‍ത്തനങ്ങള്‍ ജനങ്ങളുടെ ദുരിതങ്ങള്‍ കുറയ്ക്കാന്‍ സഹായിക്കും. ലേണേഴ്‌സ് ലൈസന്‍സ് പരീക്ഷ ഓണ്‍ലൈനിലൂടെ നടപ്പിലാക്കും. അടുത്ത ആഴ്ചയോടുകൂടി ഈ സംവിധാനം നിലവില്‍ വരും. ലൈസന്‍സ് നടപടികള്‍ ശാസ്ത്രീയമായി വരുന്നതിനായി ഓട്ടോമാറ്റിക് ട്രെയിനിംഗ് സെന്റര്‍ നടപ്പിലാക്കാന്‍ തീരുമാനിച്ചിട്ടുണ്ട്. സ്ഥലത്തിന്റെ ലഭ്യത ഉറപ്പാക്കിയാല്‍ എല്ലാ ജില്ലയിലും ഇത്തരം ഓഫിസുകള്‍ ഉണ്ടാകും. തികഞ്ഞ ചുമതല ബോധ്യത്തോടുകൂടി ജനങ്ങളോട് ഇടപെട്ട് അവരുടെ പ്രശ്‌നങ്ങള്‍ കാലതാമസമില്ലാതെ പരിഹരിക്കണമെന്നും മന്ത്രി പറഞ്ഞു.

കെ.യു ജനീഷ് കുമാര്‍ എംഎല്‍എ അധ്യക്ഷത വഹിച്ച ചടങ്ങില്‍ ആന്റോ ആന്റണി എം.പി മുഖ്യപ്രഭാഷണം നടത്തി. ഇരുവരും ചേര്‍ന്ന് ഓഫീസ് തുറന്നുകൊടുത്തു. ആര്‍.ടി.ഒ ജിജി ജോര്‍ജ്, ജോയിന്റ് ആര്‍.ടി.ഒ: കെ.ജി ഗോപകുമാര്‍, രാഷ്ട്രീയ പാര്‍ട്ടി പ്രതിനിധികളായ പി.ജെ അജയകുമാര്‍, മാത്യൂസ് ജോര്‍ജ് തുടങ്ങിയവര്‍ പങ്കെടുത്തു.

dif
ncs-up
rajan-new
previous arrow
next arrow
Advertisment
life new add up
silpa-up
asian
WhatsAppImage2022-07-31at72444PM
life-line
previous arrow
next arrow

FEATURED

നിയന്ത്രണം വിട്ട കാര്‍ സ്‌കൂട്ടറില്‍ ഇടിച്ച് സ്‌കൂട്ടര്‍ യാത്രികനായ യുവാവിന് പരിക്ക്

0
കോഴിക്കോട് : നിയന്ത്രണം വിട്ട കാര്‍ സ്‌കൂട്ടറില്‍ ഇടിച്ച് സ്‌കൂട്ടര്‍ യാത്രികനായ...

സംസ്ഥാനത്ത് ഇന്ന് കെഎസ്‌യുവിന്റെ വിദ്യാഭ്യാസ ബന്ദ്

0
തിരുവനന്തപുരം : ഇന്ന് സംസ്ഥാന വ്യാപകമായി കെ.എസ്.യു വിദ്യാഭ്യാസ ബന്ദിന് ആഹ്വാനം...

കിഴക്കുപുറം ഗവൺമെന്റ് എച്ച്.എസ്.എസിൽ പഠനോപകരണ വിതരണം നടന്നു

0
കിഴക്കുപുറം : കിഴക്കുപുറം ഗവൺമെന്റ് എച്ച്.എസ്.എസിൽ കെ.ഇ.ഐ.ഇ.സിയുടെ നേതൃത്വത്തിൽ നടന്ന...