റാന്നി : മൃഗസംരക്ഷണ വകുപ്പിലെ ഫീൽഡ് വിഭാഗം ജീവനക്കാരായ ലൈവ് സ്റ്റോക്ക് ഇൻസ്പെക്ടർ ഗ്രേഡ്1, ഗ്രേഡ് 2എ.എഫ്.ഒ ജീവനക്കാരുടെ ട്രാൻസ്ഫറിന് സ്വതന്ത്ര സോഫ്റ്റ്വെയർ ഏർപ്പെടുത്തണമെന്ന് കെ.എല്.ഐ.യു റാന്നി മേഖല സമ്മേളനം ആവശ്യപ്പെട്ടു. സംസ്ഥാന സെക്രട്ടറിയേറ്റ് അംഗം ആര് മനോജ് കുമാർ ഉദ്ഘാടനം ചെയ്തു. ബി ശ്രീജിത്ത് അധ്യക്ഷത വഹിച്ചു.
സെക്രട്ടറി എസ്.കെ കിരൺ റിപ്പോർട്ട് അവതരിപ്പിച്ചു. ജില്ലാ സെക്രട്ടറി എ ഷാജഹാൻ സംഘടനാ റിപ്പോർട്ട് അവതരിപ്പിച്ചു. പി എസ് മനോജ് കുമാർ സതീഷ് കുമാർ, രഞ്ജിത്ത്, സ്മിത, പി.വി അഖിൽ എന്നിവര് പ്രസംഗിച്ചു. ഭാരവാഹികളായി പി.വി അഖിൽ പി വി ( പ്രസിഡൻറ്), എസ്.കെ കിരൺ ( സെക്രട്ടറി ) പ്രണവ് എസ് കുമാർ (ട്രഷറർ) എന്നിവരെ തിരഞ്ഞെടുത്തു.
