കൊല്ലം: ഓയൂരില്‍ ഗൃഹനാഥനെ കൊലപ്പെടുത്തിയ ശേഷം കുഴിച്ചുമൂടി. ആറ്റൂര്‍കോണം സ്വദേശി ഹാഷിം (56) ആണ് മരിച്ചത്. കൊലപാതകത്തില്‍ രണ്ടുപേരെ പോലീസ് അറസ്റ്റ് ചെയ്തു.
മാര്‍ച്ച്‌ 30 മുതല്‍ ഹാഷിമിനെ കാണാനില്ലായിരുന്നു. ബന്ധുവീട്ടിലേക്ക് വിളിച്ചുവരുത്തി കൊലപ്പെടുത്തി കുഴിച്ച്‌ മൂടുകയായിരുന്നുവെന്നാണ് വിവരം. ബന്ധുവായ ഷറഫുദ്ദീന്‍, നിസാം എന്നിവരെയാണ് അറസ്റ്റ് ചെയ്തത്. മദ്യം നല്‍കാമെന്ന് പറഞ്ഞ് വിളിച്ചു വരുത്തിയ ശേഷം കൊടുവാളുപയോഗിച്ച്‌ വെട്ടികൊലപ്പെടുത്തി കുഴിച്ച്‌ മൂടുകയായിരുന്നു. ഗള്‍ഫില്‍വെച്ച്‌ കടം വാങ്ങിയ പണത്തെ ചൊല്ലിയുണ്ടായ തര്‍ക്കമാണ് കൊലപാതകത്തിന് കാരണമെന്നാണ് വിവരം.
