റാന്നി : ഐത്തല കോണമല കടവിന്റെ നിര്മ്മാണം പൂര്ത്തീകരിച്ചു. 2016 ല് വാര്ഡ് മെംബറായിരുന്ന ബോബി ഏബ്രഹാം നടത്തിയ പരിശ്രമത്തിന്റെ ഫലമായി അന്നത്തെ എംഎല്എ രാജു ഏബ്രഹാമിന്റെ നിര്ദേശപ്രകാരം ജലവിഭവ വകുപ്പ് ഏറ്റെടുത്ത പ്രവര്ത്തനമാണ് പൂര്ത്തീകരിച്ചത്. 10.79 ലക്ഷം രൂപയാണ് പദ്ധതിക്കായി വിനിയോഗിച്ചത്. കടവിലേക്കുള്ള പടിക്കെട്ടുകള് പുനര്നിര്മിച്ച് കോണ്ക്രീറ്റ് ചെയ്തു. 40 മീറ്ററോളം വരുന്ന റോഡും കോണ്ക്രീറ്റ് ചെയ്ത് സഞ്ചാരയോഗ്യമാക്കി. പടിക്കെട്ടുകളില് കൈവരി പിടിപ്പിച്ചാണ് നിര്മ്മാണം പൂര്ത്തീകരിച്ചിരിക്കുന്നത്.
