കോന്നി : അരുവാപ്പുലം ഗ്രാമപഞ്ചായത്തിലെ കൊല്ലൻപടി,മുതുപേഴുങ്കൽ എന്നിവടങ്ങളിൽ കാട്ടുപന്നി ശല്ല്യം വ്യാപകമാകുന്നു. ചെറുകിട കർഷകരെയാണ് പന്നിശല്ല്യം സാരമായി ബാധിക്കുന്നത്. വാഴ, മരച്ചീനി, ചേമ്പ്, ചേന തുടങ്ങി നിരവധി കാർഷീക വിളകളാണ് കാട്ടുപന്നികൾ പതിവായി നശിപ്പിക്കുന്നത്.
കൃഷിയിടത്തിന് ചുറ്റും കർഷകർ സ്ഥാപിച്ച വേലികളും കാട്ടുപന്നി കൂട്ടം നശിപ്പിച്ചിട്ടുണ്ട്. ഈട്ടിമൂട്ടിൽ തങ്കച്ചൻ, താന്നിമൂട്ടിൽ സജിജോർജ്ജ്, ചക്കാലയിൽ ജിജി, മുതുപേഴുങ്കൽ താഴെ പുരയിടത്തിൽ ടി എസ് സജീവ് എന്നിവരുടെ കൃഷിയും കഴിഞ്ഞ രാത്രിയിൽ പന്നികൾ നശിപ്പിച്ചിരുന്നു. കൊല്ലൻപടി ജംഗ്ഷനിൽ പോലും പന്നികൾ കൂട്ടമായി എത്തുന്നത് പതിവാണെന്ന് നാട്ടുകാർ പറയുന്നു. ബന്ധപ്പെട്ട അധികൃതർ വിഷയത്തിൽ അടിയന്തിര പരിഹാരം കാണണമെന്നും നാട്ടുകാർ ആവശ്യപ്പെട്ടു.
