കോന്നി: കോന്നിയുടെ മലയോര മഖലയില് കൂട്ടമായി പറന്നെത്തുന്ന മഞ്ഞ തകരമുത്തി ശലഭങ്ങള് കാഴ്ചക്കാരില് കൗതുകമുണര്ത്തുന്നു. തണ്ണിത്തോട്, കൊക്കാത്തോട്, തേക്കുതോട്, ചിറ്റാര്, സീതത്തോട് തുടങ്ങിയ സ്ഥലങ്ങളിലും കോന്നിയിലെ മലയോര പ്രദേശങ്ങളിലുമാണ് മഞ്ഞ തകരമുത്തി ശലഭങ്ങള് കൂടുതലായി കാണപ്പെടുന്നത്. തോടുകളുടെ കരയിലും ജലാംശം ഉള്ള ഭാഗങ്ങളിലുമാണ് ഈ ശലഭങ്ങള് കൂട്ടത്തോടെ വന്നിരിക്കുക.
നൂറുകണക്കിന് ശലഭങ്ങള് ഉള്ള ഒരു കൂട്ടത്തെ അലോസരപെടുത്തുന്ന ചെറിയ ശബ്ദം ഉണ്ടായാല് പോലും ഇവ പറന്ന് നാല് വശത്തേക്കും പറക്കുകയും സ്ഥിതി ശാന്തമാകുമ്പോള് വീണ്ടും പഴയ സ്ഥലത്ത് കൂട്ടമായി വന്നിരിക്കുന്നതും പതിവാണ്. ഇത്തരം ശലഭങ്ങളുടെ മുന് ചിറകുകളുടെ മുന് വക്കുകകളില് കരുത്ത നിറം പടര്ന്ന് കിടക്കുന്നതും ഇതിന്റെ പ്രധാന സവിശേഷത ആണ്. കണിക്കൊന്ന മരത്തിന്റെ ഇലക്ക് അടിഭാഗത്തായാണ് ഈ ശലഭങ്ങള് മുട്ടയിടുന്നത്.
