കോന്നി : കോന്നി കൊച്ചയ്യപ്പന് രണ്ടാം ഘട്ട പരിശീലനം ഉടൻ തുടങ്ങും. അഞ്ചാം വയസ്സിലേക്ക് കടക്കുമ്പോഴാണ് കുട്ടിക്കൊമ്പന് രണ്ടാം ഘട്ട പരിശീലനം ആരംഭിക്കുന്നത്. നാല് വയസ്സാണ് കൊച്ചയ്യപ്പന്. കാലിന്റെ അടിഭാഗം, വയർ എന്നീ ഭാഗങ്ങളിലെ ഇക്കിളി മാറ്റൽ പരിശീലനമാണ് ഇപ്പോൾ നൽകുന്നത്. ആനക്കുട്ടിയെ ഇരുത്തി, കിടത്തി പഠിപ്പിക്കുന്നതിനൊപ്പം ചങ്ങല പരിശീലനവും നൽകുന്നു.ആനത്താവളത്തിൽ പുറത്തുനിന്നുള്ള വിനോദ സഞ്ചാരികൾ വരുന്നതിനാൽ ചങ്ങല പരിശീലനം അത്യാവശ്യമാണ്. വിളിച്ചാൽ അടുത്ത് വരുന്നതിനുള്ള പരിശീലനമാണ് ആദ്യ ഘട്ടത്തിൽ നൽകിയത്. പുറകിലേക്ക് പടവുകൾ കയറൽ, പാലത്തിൽ കൂടി നടക്കൽ എന്നിവയും പരിശീലിപ്പിക്കുന്നു. ഷംസുദ്ദീനാണ്‌ കൊച്ചയ്യപ്പന്‍റെ പാപ്പാൻ. ആങ്ങാമൂഴി വനമേഖലയിൽ 2021 ആഗസ്റ്റ് 19ന് കണ്ടെത്തിയ കുട്ടിയാനയെ ആദ്യഘട്ടത്തിൽ കാട് കയറ്റാനായിരുന്നു ശ്രമം. ഇതിനായി കൂടൊരുക്കി നാല് ദിവസം കാത്തിരുന്നെങ്കിലും മറ്റ് ആനകൾ എത്തിയില്ല. തുടർന്ന് വലിയകോയിക്കൽ സ്റ്റേഷനിലേക്ക് മാറ്റുകയായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
