കോന്നി : നവംബർ 21 മുതൽ 24 വരെ തീയതികളിലായി നടത്തപ്പെടുന്ന കോന്നി ഉപജില്ലാ കലോത്സവത്തിന് തിരി തെളിഞ്ഞു. പ്രമാടം നേതാജി ഹയർസെക്കണ്ടറി സ്കൂളിൽ നടന്ന ഉത്ഘാടന സമ്മേളനം അഡ്വ കെ യു ജനീഷ്കുമാർ എം എൽ എ ഉദ്ഘാടനം ചെയ്തു. പ്രമാടം ഗ്രാമ പഞ്ചായത്ത് വൈസ് പ്രസിഡണ്ട് അമൃത സജയൻ അധ്യക്ഷത വഹിച്ചു. കോന്നി ബ്ലോക്ക് പഞ്ചായത്ത് പ്രസിഡണ്ട് ജിജി സജി മുഖ്യ പ്രഭാഷണം നടത്തി. കലോത്സവ ലോഗോ തയാറാക്കിയ കോന്നി ആർ വി എച്ച് എസ് എസ് സ്കൂൾ വിദ്യർത്ഥി ബി നിരഞ്ജനെ ആദരിച്ചു.
ജില്ലാ പഞ്ചായത്ത് അംഗം റോബിൻ പീറ്റർ,പ്രമാടം ഗ്രാമ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ രാജി സി ബാബു,പ്രമാടം ഗ്രാമ പഞ്ചായത്ത് അംഗങ്ങൾ ആയ വി ശങ്കർ,ലിജാ ശിവപ്രകാശ്,ഉപജില്ലാ വിദ്യാഭ്യാസ ഓഫീസർ എസ് സന്ധ്യ,സ്കൂൾ മാനേജർ ബി രവീന്ദ്രൻ പിള്ള,കോന്നി ബി പി സി എസ് ഷൈലജകുമാരി,പി റ്റി എ പ്രസിഡണ്ട് ഫാ ജിജി തോമസ്,ഹെഡ് മിസ്ട്രസ് എസ് ശ്രീലത,ജി എൽ പി എസ് ഹെഡ്മിസ്ട്രസ് എൻ ഡി വത്സല,ജനറൽ കൺവീനർ ആർ ദിലീപ്,ജനറൽ കൺവീനർമാരായ ഫിലിപ്പ് ജോർജ്ജ്,ടോമിൻ പടിയറ,ഫ്രെഡി ഉമ്മൻ തുടങ്ങിയവർ സംസാരിച്ചു.
പ്രമാടം നേതാജി ഹയർ സെക്കണ്ടറി സ്കൂൾ,കോന്നി ഗവണ്മെന്റ് എൽ പി സ്കൂൾ എന്നിവടങ്ങളിൽ ആയാണ് കലോത്സവം നടക്കുക.കോന്നി ഉപജില്ലയിലെ 80 സ്കൂളുകളിൽ നിന്നായി 1700 കലാ പ്രതിഭകൾ കലോത്സവത്തിൽ പങ്കെടുക്കും.എൽ പി,യു പി വിഭാഗത്തിൽ 43 സ്കൂളുകളും എച്ച് എസ് വിഭാഗത്തിൽ 18 സ്കൂളുകളും എച്ച് എസ് എസ് വിഭാഗത്തിൽ 14 സ്കൂളുകളും കലോത്സവത്തിൽ പങ്കെടുക്കും.