കോന്നി : കോന്നി ടൗണിൽ ചെളി വെള്ളം കെട്ടി നിൽക്കുന്നു. കോന്നി സെൻട്രൽ ജങ്ക്ഷനിൽ റോഡിൽ മെറ്റൽ നിരത്തി എങ്കിലും റോഡ് കിളത്തി ടാർ ചെയ്തില്ല. പുതിയ ഓട റോഡിനു മുകളിൽ ആയതിനാൽ റോഡിൽ നിന്നും മഴ വെള്ളവും ചെളി വെള്ളവും ഒഴുകി പോകുന്നില്ല. റോഡിൽ നേരെ ഓടയിലേക്ക് ദ്വാരം ഇട്ടാൽ പ്രശ്നം പരിഹരിക്കാം. എന്നാല്‍ ഇതിന് ഒരു പരിഹാരവും അധികൃതരുടെ ഭാഗത്ത്‌ നിന്നും ഉണ്ടാകുന്നില്ല. അധികൃതരുടെ ഭാഗത്ത്‌ നിന്നുള്ള ഈ അനങ്ങാപാറനയത്തിന് വലിയ വിമര്‍ശനമാണ് ജനങ്ങളുടെ ഭാഗത്ത്‌ നിന്നും ഉണ്ടാകുന്നത്. നിരവധി യാത്രക്കാര്‍ കടന്നു പോകുന്ന റോഡ് ആണിത്.
