കൊച്ചി : കോതമംഗലം പള്ളി ജനുവരി എട്ടിനകം ഏറ്റെടുക്കാന്‍ ഹൈക്കോടതി ഉത്തരവ്. വിധി നടപ്പാക്കിയില്ലെങ്കില്‍ കേന്ദ്ര സേനയെ ഉപയോഗിച്ച്‌ പള്ളി ഏറ്റെടുക്കണമെന്നും കോടതി സര്‍ക്കാരിന് നിര്‍ദേശം നല്‍കി. ഇക്കാര്യം അഡീഷണല്‍ സോളിസിറ്റര്‍ ജനറല്‍ സിആര്‍പിഎഫിനെ അറിയിക്കണമെന്നും ഹൈക്കോടതി പറഞ്ഞു. സിആര്‍പിഎഫ് പള്ളിപ്പുറം ക്യാമ്പിനാകും ചുമതല. ഓര്‍ത്തഡോക്സ് സഭ നല്‍കിയ കോടതി അലക്ഷ്യ ഹര്‍ജിയിലാണ് ഉത്തരവ്. കോതമംഗലം പളളി ഏറ്റെടുക്കണമെന്ന ഉത്തരവ് സ്റ്റേ ചെയ്യണമെന്ന യാക്കോബായ സഭയുടെ ആവശ്യം കോടതി തള്ളി.
