കോട്ടയം : കന്യാസ്ത്രീയെ പീഡിപ്പിച്ച കേസില് ഫ്രാങ്കോ മുളയ്ക്കലിനെ കുറ്റവിമുക്തനാക്കിയ കോടതി വിധി അംഗീകരിക്കനാകാത്തതെന്ന് അന്വേഷണ ഉദ്യേഗസ്ഥന് കോട്ടയം മുന് എസ്.പി ഹരിശങ്കര്. ഇന്ത്യന് നീതിന്യായ വ്യവസ്ഥയില്ത്തന്നെ ആദ്യമായിരിക്കും ഇത്തരമൊരു വിധി. കേസില് 100 ശതമാനം ശിക്ഷ പ്രതീക്ഷിച്ചിരുന്നു. അപ്പീല് പോകം. സത്യസന്ധമായി മൊഴി നല്കിയവര്ക്കുള്ള തിരിച്ചടിയാണ് വിധി. ഇരയുടെ മൊഴി ഉണ്ടായിട്ടും വിധി എതിരായത് അംഗീകരിക്കനാകില്ലെന്നും ഹരിശങ്കര് പറഞ്ഞു. ഇത്തരം വിധിയോടെ ഇര സമൂഹത്തില് ഒറ്റപ്പെടുകയാണ്. ഒരു കന്യാസ്ത്രീയെ സംബന്ധിച്ച് ഇത് അസാധാരണമായ സംഗതിയാണ്. വളരെ ഞെട്ടലോടെയാണ് വിധിയെ നോക്കിക്കാണുന്നത്. ഇതുപോലെ നൂറുകണക്കിന് ഇരകള് വേറെ ഉണ്ടാകാം. അവരെയെല്ലാം നിരാശപ്പെടുത്തുന്നതാണ് വിധിയെന്നും ഹരിശങ്കര് പറഞ്ഞു. ഈ കേസില് ഇരയുടെ കൃത്യമായ മൊഴിയുണ്ട്.
സമയ താമസമുണ്ടായി എന്നത് മാത്രമാണ് തിരിച്ചടിയായുണ്ടായത്. സഭക്കുള്ളില് വിഷയം തീര്ക്കാന് ശ്രമിച്ചതിനാലാണ് സമയ താമസവുമുണ്ടായത്. താന് ജീവിച്ചിരിക്കണോ എന്നത് പോലും ബിഷപ്പിനെ ആശ്രയിച്ചിരിക്കുമെന്ന അവസ്ഥയില് നിന്നാണ് ഇര ബിഷപ്പിനെതിരെ മൊഴി നല്കിയതെന്നും അതിനെ കോടതി വിശ്വാസത്തിലെടുക്കേണ്ടിയിരുന്നുവെന്നും അദ്ദേഹം പറഞ്ഞു. വിധി അപ്രതീക്ഷിതമാണെന്ന് പബ്ലിക് പ്രോസിക്യൂട്ടര് ജിതേഷ് ജി ബാബു പറഞ്ഞു. എന്താണ് സംഭവിച്ചതെന്ന് അറിയില്ല. ശിക്ഷ ലഭിക്കുമെന്ന് തന്നെയാണ് കരുതിയിരുന്നത്. സര്ക്കാരുമായി ആലോചിച്ച് അപ്പീല് പോകുമെന്നും പബ്ലിക് പ്രോസിക്യൂട്ടര് പറഞ്ഞു. അപ്രതീക്ഷിതമായ വിധിയാണ് ഉണ്ടായതെന്ന് അന്വേഷണ ഉദ്യോഗസ്ഥന് ഡി.വൈ.എസ്.പി കെ.സുഭാഷും പറഞ്ഞു. എങ്ങും പരാതി പറയാന് സാഹചര്യമില്ലാത്തയാളായിരുന്നു പരാതിക്കാരി. കോടതി അത് ആ രീതിയില് കാണണമായിരുന്നു. ഇങ്ങനെയൊരു വിധി എന്തുകൊണ്ടെന്ന് അറിയില്ലെന്നും കെ.സുഭാഷ് പറഞ്ഞു.
