കോഴിക്കോട് : മുഖ്യമന്ത്രി പിണറായി വിജയനെതിരേ വിമര്ശനവുമായി മുസ്ലീംലീഗ് സംസ്ഥാന ജനറല് സെക്രട്ടറി കെ.പി.എ. മജീദ്. പിണറായി വിജയനെ പോലെ വര്ഗീയത പറയുന്ന നേതാക്കള് കേരളത്തില് വേറെയില്ലെന്ന് അദ്ദേഹം വിമര്ശിച്ചു.
സംസ്ഥാനത്ത് ഇന്നുവരെയില്ലാത്ത രാഷ്ട്രീയമായിട്ടുളള ദുഷ്പ്രചാരണങ്ങളാണ് നടക്കുന്നത്. ദുഷ്ടലാക്കോടുകൂടി ഒരു മുഖ്യമന്ത്രിക്ക് ചേരാത്ത പരാമര്ശമാണ് മുഖ്യമന്ത്രിയുടെ ഭാഗത്ത് നിന്ന് ഉണ്ടായത്. നിര്ഭാഗ്യകരമായ പ്രസ്താവനയായിപ്പോയി.
ഇതുമായി മുന്നോട്ട് പോകുന്നത് സിപിഎമ്മിന് തന്നെ അപകടകരമായിരിക്കും.
സമുദായങ്ങളെ തമ്മിലടിപ്പിച്ച് ചോര കുടിക്കാനുളള വര്ഗീയ പ്രചാരണമല്ല നടത്തേണ്ടത്. മുഖ്യമന്ത്രി പറയുന്നത് വി.മുരളീധരന്റെ അതേ വാചകങ്ങളാണ്. ഉത്തരേന്ത്യയില് ബിജെപി കളിക്കുന്ന വര്ഗീയ രാഷ്ട്രീയം സി.പി.എം. പയറ്റുകയാണെന്നും മജീദ് കുറ്റപ്പെടുത്തി.