തിരുവനന്തപുരം: ശശി തരൂര് അടക്കമുള്ള നേതാക്കള്ക്ക് കെപിസിസി എക്സിക്യൂട്ടീവ് യോഗത്തില് വിമര്ശനം. എംപിമാരുടെ പരസ്യ പസ്താവനകള്ക്കെതിരെയും യോഗത്തില് വിമര്ശനം ഉയര്ന്നു. ശശി തരൂര് നിരന്തരം പാര്ട്ടിയെ വെട്ടിലാക്കുകയാണെന്നും പാര്ട്ടിയുടെ ലക്ഷ്മണ രേഖ ലംഘിക്കുന്നുവെന്നും ചൂണ്ടിക്കാട്ടി. എത്ര സ്വാധീനമുള്ള ആളാണെങ്കിലും സംഘടനാപരമായ അച്ചടക്കം തരൂരിന് അറിയില്ല. കെപിസിസി അധ്യക്ഷന് തരൂരിനെ വിളിച്ച് സംസാരിക്കണമെന്നും പിജെ കുര്യന് ആവശ്യപ്പെട്ടു.
ഗ്രൂപ്പ് നേതാക്കള് പുനഃസംഘടനക്ക് തടസം സൃഷ്ടിക്കുകയാണെന്നും പി.ജെ കുര്യന് അഭിപ്രായപ്പെട്ടു. വിവാദങ്ങള്ക്കിടെയാണ് കെ.പി.സി.സിയുടെ സമ്പൂര്ണ ഭാരവാഹി യോഗം ഇന്ന് ചേര്ന്നത്. വൈക്കം സത്യഗ്രഹ ശതാബ്ദി ആഘോഷ വേദിയില് കെ. മുരളീധരനെയും ശശി തരൂരിനെയും തഴഞ്ഞെന്ന അഭ്യൂഹം ശക്തമാകുന്നതിനിടെയായിരുന്നു യോഗം. പാര്ലമെന്റ് സമ്മേളനം നടക്കുന്നതിനാല് എംപിമാരുടെ അസാന്നിധ്യത്തിലാണ് യോഗം ചേര്ന്നത്.
