കൊച്ചി : സംസ്ഥാന കോണ്ഗ്രസില് ശശി തരൂരിന് ഇടം നല്കണമെന്ന് യൂത്ത് കോണ്ഗ്രസ് ഉപാദ്ധ്യക്ഷന് കെ.എസ് ശബരിനാഥന്. ശശി തരൂരിന്റെ ജനസ്വാധീനം കോണ്ഗ്രസ് ഉപയോഗപ്പെടുത്തണം. തരൂര് ആരുടെയും ഇടം മുടക്കില്ല. എല്ലാവര്ക്കും ഇടമുള്ള പാര്ട്ടിയാണ് കോണ്ഗ്രസെന്നും തരൂരിന്റെ പരിപാടികളിലെ യുവസാന്നിധ്യം വലിയ പ്രതീക്ഷയാണെന്ന് അദ്ദേഹം പറഞ്ഞു. അതേസമയം ശശി തരൂരിനെ അംഗീകരിച്ച് സമസ്തയും.
ഇന്ത്യന് യൂണിയന് മുസ്ളീം ലീഗിന് മേല് നിര്ണ്ണായക സ്വാധീനമുളള മുസ്ളീം മത പണ്ഡിത സംഘടനയായ സമസ്ത ഇന്നലെ തങ്ങളുടെ ആസ്ഥാനത്തെത്തിയ ശശി തരൂരിന് ഊഷ്മളമായ സ്വീകരണമാണ് നല്കിയത്. കോണ്ഗ്രസിനെ ശക്തിപ്പെടുത്താനാണ് താന് സമസ്ത ആസ്ഥാനത്തെത്തിയതെന്നും കൂടിക്കാഴ്ച നടത്തുന്നതെന്നും ശശി തരൂര് പറഞ്ഞു. സമസ്ത നേതൃത്വം ഇതിന് പൂര്ണ്ണ പിന്തുണ പ്രഖ്യാപിക്കുകയും ചെയ്തു.
കഴിഞ്ഞ ദിവസം ചെന്നൈയില് കൂടിയ മുസ്ളീം ലീഗ് അഖിലേന്ത്യ നിര്വ്വാഹക സമിതിയോഗം വിവിധ സമുദായങ്ങളെ കോണ്ഗ്രസിലേക്ക് തിരിച്ചുകൊണ്ടുവരാനുളള ശശി തരൂരിന്റെ യത്നത്തിന് പിന്തുണ പ്രഖ്യാപിച്ചിരുന്നു. പുറമേക്ക് ലീഗ് നേതാക്കള് അത് നിഷേധിച്ചെങ്കിലും യോഗത്തിനുള്ളില് തരൂരിനെ പിന്തുണക്കുന്ന വിധത്തിലുള്ള ചര്ച്ചകളാണ് നടന്നത്. കേരളത്തിലെ എല്ലാ സമുദായ നേതാക്കളെയും സന്ദര്ശിക്കുന്നത് താന് ഇനിയും തുടരുമെന്നാണ് ശശി തരൂര് പറഞ്ഞത്. മുഖ്യമന്ത്രിയാകുമെന്ന് താന് പറഞ്ഞിട്ടില്ല. ഇപ്പോള് കോണ്ഗ്രസിലേക്ക് എല്ലാ സമുദായ നേതാക്കളെയും അടുപ്പിക്കാനാണ് താന് പരിശ്രമിക്കുന്നത്. അതിന്റെ ഭാഗമായാണ് സമുദായ നേതാക്കളെ കാണുന്നതെന്നും ശശി തരൂര് പറഞ്ഞു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
