റാന്നി: കെ എസ് ആർ ടി സി റാന്നി സബ് ഡിപ്പോയ്ക്ക് ദീർഘദൂര സർവീസ് ഉൾപ്പെടെ മൂന്ന് ബസ് സർവീസുകൾ അനുവദിച്ചതായി അഡ്വ. പ്രമോദ് നാരായൺ എംഎൽഎ അറിയിച്ചു. റാന്നിയിലെ യാത്രാക്ലേശം പരിഹരിക്കണം എന്ന് എം എൽ എ ഗതാഗത മന്ത്രി കെ ബി ഗണേഷ് കുമാറിനെ നേരിൽകണ്ട് അഭ്യർത്ഥിച്ചിരുന്നു. ഇതേ തുടർന്നാണ് ഇപ്പോൾ മൂന്ന് ബസ്സുകൾ അനുവദിച്ചിരിക്കുന്നത്. റാന്നിയിൽ നിന്നും പാലക്കാടിന് അനുവദിച്ച കെഎസ്ആർടിസി സൂപ്പർഫാസ്റ്റ് പാസഞ്ചർ ബസിന്റെ സർവീസ് തിങ്കളാഴ്ച രാവിലെ 7ന് കെഎസ്ആർടിസി ബസ്റ്റാൻഡിൽ അഡ്വ. പ്രമോദ് നാരായൺ എംഎൽഎ ഉദ്ഘാടനം നിർവഹിക്കും. രാവിലെ 7 ന് റാന്നിയിൽ നിന്നും പുറപ്പെട്ട്, പാലാ, മൂവാറ്റുപുഴ, തൃശൂർ വഴി പകൽ 1 ന് പാലക്കാട് എത്തിച്ചേരും. തിരികെ വൈകിട്ട് 3 ന് പാലക്കാട് നിന്നും തിരിച്ച് രാത്രി 10.50ന് റാന്നിയിൽ എത്തും പുനലൂർ – മുണ്ടക്കയം ചെയിൻ സർവീസിനായാണ് രണ്ട് ഓർഡിനറി ലിമിറ്റഡ് സ്റ്റോപ്പ് ബസ്സുകൾ അനുവദിച്ചിരിക്കുന്നത്. നേരത്തെ ഉണ്ടായിരുന്ന പുനലൂർ – മുണ്ടക്കയം ചെയിൻ സർവീസിൽ ഇടക്കാലത്ത് ബസുകൾ കുറഞ്ഞിരുന്നു. ഈ കുറവ് നികത്തി റാന്നിയെ ജില്ലാ കേന്ദ്രവുമായും തൊട്ടടുത്ത പ്രധാന പട്ടണങ്ങളുമായും ബന്ധിപ്പിക്കുന്നതിന് വേണ്ടി ചെയിൻ സർവീസ് കാര്യക്ഷമമാക്കുന്നതിനാണ് പുതിയ ബസ് രണ്ട് ബസ്സുകൾ കൂടി അനുവദിച്ചത്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
