തിരുവനന്തപുരം : മുന്‍മന്ത്രി കെടി ജലീലിന് വധഭീഷണി. വാട്‌സാപ്പ് വഴി വോയ്‌സ് ക്ലിപ്പ് ആയിട്ടാണ് ഫോണില്‍ സന്ദേശം ലഭിച്ചത്. വാഹനാപകടത്തില്‍ കൊലപ്പെടുത്തുമെന്നാണ് ശബ്ദസന്ദേശത്തില്‍ പറയുന്നത്. ഹംസ എന്ന് പരിചയപ്പെടുത്തിയാണ് ഭീഷണിപ്പെടുത്തിയതെന്ന് മന്ത്രി കെടി ജലീല്‍ പറഞ്ഞു.
കഴിഞ്ഞ കുറെ ദിവസങ്ങളായി മുസ്ലീം ലീഗിലെ പ്രശ്‌നങ്ങളുമായി ബന്ധപ്പെട്ട് പികെ കുഞ്ഞാലിക്കുട്ടിക്കെതിരെയും ചില ലീഗ് നേതാക്കള്‍ക്കെതിരെയും രൂക്ഷവിമര്‍ശനവുമായി ജലീല്‍ രംഗത്തുവന്നിരുന്നു. ശബ്ദസന്ദേശം ഉള്‍പ്പടെ മന്ത്രി പോലീസില്‍ പരാതി നല്‍കി. വധഭീഷണിയായ സാഹചര്യത്തിലാണ് പോലീസില്‍ പരാതി നല്‍കിയതെന്ന് മന്ത്രി ജലീല്‍ പറഞ്ഞു.
