തിരുവനന്തപുരം: മാതൃഭൂമി മാനേജിംഗ് ഡയറക്ടറും എല്‍ജെഡി അധ്യക്ഷനുമായ എം.വി. ശ്രേയാംസ്കുമാറിനെതിരെ മുന്‍ മന്ത്രി കെ.ടി. ജലീല്‍. സജി ചെറിയാന്‍റെ രാജി വാര്‍ത്തയ്ക്കൊപ്പം മാതൃഭൂമി പത്രം നല്‍കിയ കാര്‍ട്ടൂണിനെ വിമര്‍ശിച്ചാണ് ജലീല്‍ ഫേസ്ബുക്ക് പോസ്റ്റില്‍ വിമര്‍ശനം നടത്തിയത്. താങ്കള്‍ക്കൊരു വോട്ടു ചെയ്തതില്‍ ഞാന്‍ ഖേദിക്കുന്നുവെന്നാണ് ജലീലിന്‍റെ വിമര്‍ശനം. “മിസ്റ്റര്‍ ശ്രേയംസ്കുമാര്‍, താങ്കള്‍ക്കൊരു വോട്ടു ചെയ്തതില്‍ ഞാന്‍ ഖേദിക്കുന്നു. താങ്കളുടെ പത്രം സജി ചെറിയാന്‍റെ മാറ് പിളര്‍ത്തി ശൂലം കുത്തിയിറക്കിയത് അര്‍ത്ഥമാക്കുന്നതെന്താണ്?’- ജലീല്‍ ഫേസ്ബുക്ക് പോസ്റ്റില്‍ ചോദിക്കുന്നു.
