കോട്ടയം : കൂട്ടിക്കലില് ഉണ്ടായത ശക്തമായ ഉരുള്പൊട്ടലില് കാണാതായവരില് മൂന്നു പേരുടെ മൃതദേഹം കണ്ടെടുത്തു. ജില്ലയിലെ കൂട്ടിക്കലില് ഉണ്ടായത ശക്തമായ ഉരുള്പൊട്ടല്. അപകടത്തില് 13 പേരെ കാണാതായതായാണ് വിവരം. കാണാതായവരില് ആറു പേര് ഒരു വീട്ടിലെ അംഗങ്ങളാണ്. മൂന്ന് മൃതദേഹങ്ങള് കണ്ടെടുത്തതായും വിവരമുണ്ട്. ഉരുള്പൊട്ടലില് മൂന്ന് വീടുകള് ഒലിച്ചു പോയി.
ചോലത്തടം കൂട്ടിക്കല് വില്ലേജ് പ്ലാപ്പള്ളി ഭാഗത്താണ് ഉരുള്പൊട്ടലുണ്ടായത്. കൂട്ടിക്കല് കവലയില് ഒരാള്പൊക്കത്തില് വെള്ളം നിലവിലുണ്ട്. പ്രദേശത്തെ പ്രധാനപ്പെട്ട കവലകളായ കൂട്ടിക്കല്, ഏന്തയാര്, കൂട്ടക്കയം കവലകളിലും കാഞ്ഞിരപ്പള്ളി നഗരത്തിലും വെള്ളം കയറിയിട്ടുണ്ട്. റോഡ് മാര്ഗം പ്രദേശത്ത് എത്താന് നിലവില് വഴികളൊന്നുമില്ലെന്നാണ് ജില്ലാ ഭരണകൂടം അറിയിക്കുന്നത്.പ്രദേശത്ത് മഴ ഇപ്പോഴും തുടരുകയാണ്.
