58 സ്ഥലങ്ങളിലേക്ക് സർവീസ് വ്യാപിപ്പിക്കാനൊരുങ്ങി കു​വൈ​ത്ത് എ​യ​ർ​വേ​സ്

കു​വൈ​ത്ത് സി​റ്റി: 58 സ്ഥലങ്ങളിലേക്ക് സർവീസ് വ്യാപിപ്പിക്കാനൊരുങ്ങി കു​വൈ​ത്ത് എ​യ​ർ​വേ​സ്. ജൂ​ൺ മു​ത​ൽ സെ​പ്റ്റം​ബ​ർ വ​രെ ഉ​യ​ർ​ന്ന ഡി​മാ​ൻ​ഡ് പ്ര​തീ​ക്ഷി​ക്കു​ന്ന​തി​നാ​ൽ ജ​ന​പ്രി​യ ല​ക്ഷ്യ​സ്ഥാ​ന​ങ്ങ​ളി​ലേ​ക്ക് കൂടുതൽ ശ്ര​ദ്ധ ന​ൽ​കി​യാ​ണ് ഷെ​ഡ്യൂ​ൾ. പു​തി​യ സ്ഥ​ല​ങ്ങ​ളി​ലേ​ക്കും സർവീസ് ന​ട​ത്തു​മെ​ന്ന് ക​മ്പ​നി ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ അ​ബ്ദു​ൽ മു​ഹ്സി​ൻ അ​ൽ ഫ​ഖാ​ൻ വാ​ർ​ത്ത​ക്കു​റി​പ്പി​ൽ അ​റി​യി​ച്ചു. മോ​സ്കോ​യി​ലേ​ക്ക് ജൂ​ൺ ആ​റു​മു​ത​ൽ ആ​ഴ്ച​യി​ൽ നാ​ല് സർവീസ് ന​ട​ത്തും. ജൂ​ലൈ ഒ​ന്നു​മു​ത​ൽ ആ​ഴ്ച​യി​ൽ മൂ​ന്ന് സർവീസുള്ള അ​ല​ക്സാ​ൻ​ട്രി​യ​യും ജൂ​ലൈ ര​ണ്ടു​മു​ത​ൽ ആ​ഴ്ച​യി​ൽ ര​ണ്ട് സർവീസുള്ള ല​ക്സ​റും വേ​ന​ൽ​ക്കാ​ല​ത്തെ പു​തി​യ ല​ക്ഷ്യ​സ്ഥാനങ്ങളാണ്. അ​ന്റാ​ലി​യ, ബോ​ഡ്രം സർവീസുകൾ ജൂ​ൺ ര​ണ്ടി​ന് ആ​രം​ഭി​ക്കും. ജൂ​ൺ ഒ​ന്നി​നാ​ണ് ട്ര​ബ്സ​ൺ സർവീസ് ആ​രം​ഭി​ക്കു​ന്ന​ത്. ജൂ​ൺ ര​ണ്ടു​മു​ത​ൽ സ​ലാ​ല സർവീസ് ആ​ഴ്ച​യി​ൽ നാ​ലാ​യി വ​ർ​ധി​പ്പി​ക്കും.

അതേസമയം, ജൂ​ൺ ഒ​ന്നു​മു​ത​ൽ വി​യ​ന്ന​യി​ലേ​ക്ക് ആ​ഴ്ച​യി​ൽ നാ​ല് സർവീസും ജൂ​ൺ ഒ​ന്നു​മു​ത​ൽ ക്വലാലംപൂ​രി​ലേ​ക്ക് ആ​ഴ്ച​യി​ൽ മൂ​ന്ന് സർവീസും ന​ട​ത്തും. യൂ​റോ​പ്പി​ലേ​ക്ക് യാ​ത്ര​ക്കാ​ർ വർധിക്കുന്നത് പ​രി​ഗ​ണി​ച്ച് കൂ​ടു​ത​ൽ വ​ലി​യ വി​മാ​ന​ങ്ങ​ൾ വി​ന്യ​സി​ക്കും. സ​ർ​വീ​സ്​ മെ​ച്ച​പ്പെ​ടു​ത്തി​യും പു​തി​യ സ്ഥ​ല​ങ്ങ​ളി​ലേ​ക്ക്​ സർവീസ് ആ​രം​ഭി​ച്ചും കൂ​ടു​ത​ൽ ആ​ളു​ക​ളെ ആ​ക​ർ​ഷി​ക്കാ​നാ​ണ്​ പദ്ധതിയുടെ ലക്ഷ്യം.