കുവൈത്തിലെ ഹവല്ലി ഗവര്‍ണറേറ്റിലെ മാളില്‍ അഗ്നിബാധ

കുവൈത്ത് സിറ്റി: കുവൈത്തിലെ ഹവല്ലി ഗവര്‍ണറേറ്റിലെ മാളില്‍ അഗ്നിബാധ. മാളിന്റെ മുന്‍വശത്താണ് തീ പടര്‍ന്നു പിടിച്ചത്. ടുണീസ് സ്ട്രീറ്റിന്റെ അവസാന ഭാഗത്ത് മൂന്നാം റിങ് റോഡിന് അഭിമുഖമായുള്ള കെട്ടിടത്തിലാണ് അഗ്നി പടര്‍ന്നത്. ഹവല്ലി, സാല്‍മിയ, ശുഹ്ദ എന്നിവിടങ്ങളില്‍ നിന്നുള്ള അഗ്നിശമന സേന അംഗങ്ങളെത്തി തീ നിയന്ത്രണ വിധേയമാക്കി. അതെ സമയം സംഭവത്തില്‍ ആളപായമില്ലെന്നാണ് വിവരം. കെട്ടിടത്തിന് സമീപം പാര്‍ക്ക് ചെയ്തിരുന്ന ഏതാനും വാഹനങ്ങള്‍ക്ക് കൂടി തകരാര്‍ സംഭവിച്ചിട്ടുണ്ട്.