തിരുവനന്തപുരം: നിയമസഭാ തിരഞ്ഞെടുപ്പിന് മുന്നോടിയായി എല് ഡി എഫും കേരളയാത്രയ്ക്ക് തയ്യാറെടുക്കുന്നു. സി പി എം, സി പി ഐ സംസ്ഥാന സെക്രട്ടറിമാരായ എ വിജയരാഘവനും കാനം രാജേന്ദ്രനുമാകും ജാഥ നയിക്കുക. സാധാരണഗതിയില് തിരഞ്ഞെടുപ്പിന് മുമ്ബ് സി പി എം സംസ്ഥാന സെക്രട്ടറിയാണ് ജാഥ നയിച്ചിരുന്നത്. എന്നാല് ഇത്തവണ എല് ഡി എഫ് എന്ന നിലയ്ക്കാണ് ജാഥ നിശ്ചയിച്ചിരിക്കുന്നത്.
വടക്കന് മേഖല ജാഥ, തെക്കന് മേഖല ജാഥ എന്നിങ്ങനെയായിരിക്കും ജാഥകള് സംഘടിപ്പിക്കുക. തീയതി അടക്കം ജാഥയുടെ വിശദമായ ഷെഡ്യൂള് ബുധനാഴ്ച ചേരുന്ന എല് ഡി എഫ് യോഗത്തിലായിരിക്കും തീരുമാനിക്കുക. അതേസമയം, തിരഞ്ഞെടുപ്പിന് മുന്നോടിയായി സി പി എമ്മിന്റെ വീടുകള് സന്ദര്ശിക്കുന്ന പരിപാടി നാളെ മുതലാണ് ആരംഭിക്കുന്നത്. പ്രധാനപ്പെട്ട നേതാക്കള് അടക്കം വീടുകള് കയറും.
യു ഡി എഫിന് വേണ്ടി പ്രതിപക്ഷനേതാവ് രമേശ് ചെന്നിത്തല നയിക്കുന്ന കേരളയാത്ര ഈ മാസം 31ന് കാസര്കോട് നിന്ന് ആരംഭിക്കുമെന്ന് നേരത്തെ പ്രഖ്യാപിച്ചിരുന്നു. അതിനു തൊട്ടുപിന്നാലെയാണ് എല് ഡി എഫും കേരള യാത്രയ്ക്ക് ഒരുങ്ങുന്നത്.