പാരിസ്: അര്ജന്റൈന് സൂപ്പര് താരം ലയണല് മെസി ഈ സീസണോടെ പി.എസ്.ജി വിട്ടേക്കും. ലിയോയുടെ പിതാവ് ഇക്കാര്യം ക്ലബ്ബ് അധികൃതരുമായി ചര്ച്ച നടത്തിയതായാണ് റിപ്പോര്ട്ട്. പിഎസ്ജിയുമായുള്ള മെസ്സിയുടെ കരാര് അടുത്തമാസം അവസാനിക്കും. അനുവാദമില്ലാതെ സൗദി അറേബ്യ സന്ദര്ശിച്ചതിന് താരത്തിനെതിരെ ടീം അച്ചടക്ക നടപടിയെടുത്തിരുന്നു. ഇതോടെ താരവും ക്ലബ്ബും തമ്മിലുള്ള ബന്ധം വഷളായെന്നാണ് റിപ്പോര്ട്ടുകള്. സൗദി അറേബ്യയില് ടൂറിസം പ്രചാരണത്തിനായാണ് മെസ്സി എത്തിയത്
അച്ചടക്ക നടപടിയുടെ ഭാഗമായി താരത്തെ രണ്ടാഴ്ചത്തേക്കാണ് പി.എസ്.ജി സസ്പെന്ഡ് ചെയ്തത്. സസ്പെന്ഷന് കാലയളവില് മെസ്സിക്ക് ക്ലബ്ബിന് കീഴില് കളിക്കാനോ പരിശീലനം നടത്താനോ സാധിക്കില്ല. ഈ സമയത്തെ ശമ്പളവും ലഭിക്കില്ലെന്നാണ് റിപ്പോര്ട്ടുകള്. സസ്പെന്ഷനോടെ ട്രോയിസും അജാക്കിയോയുമായുള്ള ലീഗ് വണ് മത്സരങ്ങളും മെസിക്ക് നഷ്ടമാകും. കഴിഞ്ഞയാഴ്ച ലോറിയന്റിനെതിരെ പിഎസ്ജി നേരിട്ട പരാജയത്തിന് തൊട്ടു പിന്നാലെയായിരുന്നു മെസിയുടെ സൗദി സന്ദര്ശനം.
