പത്തനംതിട്ട : പത്തനംതിട്ട ലയണ്സ് ക്ലബ്ബിന്റെ പുതിയ ഭാരവാഹികള് സ്ഥാനമേറ്റു. ലയണ്സ് ക്ലബ് ഹാളില് നടന്ന സമ്മേളനം ഡിസ്ട്രിക് ലയണ്സ് പ്രിസിപ്പല് അഡ്വൈസര് എം ഡി എഫ് ലയണ് ആര് വെങ്കടാചലം ഉദ്ഘാടനം ചെയ്തു. പ്രസിഡന്റായി ജി ചന്ദ്രന്, വൈസ് പ്രസിഡണ്ട് എസ് മനോഹരന്, സെക്രട്ടറി പി ജെ ജോസഫ്, ട്രഷറര് സഞ്ജയ് കുരുവിള, അഡ്മിനിസ്ട്രേറ്റര് സനില് ഷാഹുല് ഹമീദ് എന്നിവരും 15 ഡയറക്ടര്മാരും സത്യപ്രതിജ്ഞ ചെയ്ത് അധികാരമേറ്റു. ക്ലബ്ബില് പുതിയതായി ഒന്പത് അംഗങ്ങള് ചേര്ന്നു.
ക്യാന്സര് രോഗികള്ക്ക് സാമ്പത്തിക സഹായം, സ്ഥിരം ബ്ലഡ് ഡൊണേഷന് ക്യാമ്പ്, ഗവര്മെന്റ് ആശുപത്രി രോഗികള്ക്കും കൂട്ടിരിപ്പുകാര്ക്കും ‘അത്താഴം’ എന്ന് പേരുള്ള ഭക്ഷണ വിതരണം, നിര്ധനര്ക്ക് ഭവനം നിര്മ്മിച്ചു നല്കുക, സാമ്പത്തിക സഹായം നല്കുക, തുടങ്ങിയ പുതിയ പദ്ധതികള് പ്രസിഡന്റ് ജി ചന്ദ്രന് പ്രഖ്യാപിച്ചു. ശശി കുമാര്, സ് മനോഹരന്, സഞ്ജയ് കുരുവിള, പ്രൊഫ. ജോസുകുട്ടി, എന്നിവര് സംസാരിച്ചു.